[ad_1]
( प्रगत भारत । pragatbharat.com)
‘दरवाजे पे दस्तक’ या मोहिमेत सक्रिय सहभागी होण्यासाठी वसतिगृहाच्या वॉर्डनना प्रोत्साहन दिले जात असून मेस कामगार आणि टिफिन पुरवठादारांनाही यात सहभागी करून घेण्यात आले आहे. एखादा विद्यार्थी मेसमध्ये वारंवार गैरहजर राहिल्यास, जेवण टाळत असल्यास, जेवणाचा डबा न खाता तसाच परत आल्यास पोलिसांना कळवावे, असे आवाहन पोलिसांनी केले आहे.
विद्यार्थ्यांमध्ये तणाव, नैराश्य किंवा वेगळ्या वर्तनाची कोणतीही चिन्हे नाहीत, याची खात्री करण्यासाठी रात्री ११ वाजता प्रत्येक विद्यार्थ्याचे दार ठोठावणे, ते ठीक आहेत का ते विचारणे, त्यांच्या हालचाली लक्षात घेणे यासाठी जागरूक राहण्याकरिता पोलिस वॉर्डनना प्रोत्साहित करत आहोत. क्लास संपल्यानंतर विद्यार्थी जास्तीत जास्त वेळ वसतिगृहात घालवतात म्हणून वॉर्डनने त्यांच्याकडे अधिक लक्ष दिले पाहिजे, असे पोलिस उपअधीक्षक चंद्रशील ठाकूर यांनी सांगितले.
मुले टोकाचे पाऊल उचलण्यापूर्वी नेहमी अशी काही लक्षणे आढळून येतात, असे मानससशास्त्रज्ञ सांगतात. या सुरुवातीच्या लक्षणांचा शोध घेण्यासाठी आमचा प्रयत्न आहे. कोणताही विद्यार्थी वारंवार वर्ग चुकवत असेल, जेवण घेत नसेल तर काहीतरी गडबड असू शकते. आम्हाला या मुलांना शोधून त्यांचे समुपदेशन करायचे आहे. आम्ही एक फोन नंबर दिला आहे. त्यावर वॉर्डन, मेस कामगार आणि टिफिन पुरवठादार आम्हाला ही माहिती देऊ शकतात, असे त्यांनी सांगितले.
तुझ्यासारख्यांना मी कोलतो…म्हणत तिघांचा महामार्गावर राडा; पत्नी-मुलांसमोर पोलिसाला मारहाणयंदा सर्वाधिक प्रमाण
जेईई आणि नीट यांसारख्या स्पर्धात्मक परीक्षांची तयारी करण्यासाठी दरवर्षी अडीच लाखांहून अधिक विद्यार्थी कोटा येथे जातात. चालू वर्षात विद्यार्थी आत्महत्येच्या सर्वाधिक म्हणजे, २२ घटना घडल्या आहेत. गेल्या वर्षी हा आकडा १५ होता. २७ ऑगस्ट रोजी काही तासांच्या अंतराने दोघांनी आपले जीवन संपवले होते.
[ad_2]
