[ad_1]
( प्रगत भारत । pragatbharat.com)
साहिलने साक्षीला आधी चाकू भोसकले आणि नंतर दगडाने ठेचले, जेव्हा त्याला याची खात्री पटली की साक्षीचा मृत्यू झाला आहे तेव्हा त्याने घटनास्थळावरुन पळ काढला. पोलिसांनी साहिलला उत्तर प्रदेशातील बुलंदशहर येथून अटक केली आहे. या घटनेचे जे सीसीटीव्ही फुटेज समोर आले आहे, ते पाहून सारेच हादरुन गेले आहेत. तर साक्षीच्या आईचा आक्रोश पाहून अंगावर काटा उभा राहिल. साक्षीच्या आईच्या डोळ्यातून अश्रू थांबत नाहीयेत. साहिलला फाशीची शिक्षा व्हावी अशी मागणी त्यांनी केली आहे.
दिल्ली पुन्हा हादरली! त्याने चाकू काढला अन् थेट डोक्यात २१ वार, मग दगड उचलला… साक्षी मर्डर केसची Inside Story
काहीच दिवसांपूर्वी दहावीची परीक्षा दिली
अशा निर्घृण पद्धतीने मुलीची हत्या झाल्याचं पाहून आईने एकच हंबरडा फोडला. त्यांच्या डोळ्यातील पाणी थांबत नाहीये. या घटनेने साक्षीची आई आणि कुटुंबीयांना मोठा धक्का बसला आहे. साक्षीच्या आईने आरोपी साहिलला फाशीची शिक्षा देण्याची मागणी केली आहे. गेल्या दहा दिवसांपासून साक्षी तिच्या मैत्रिणीच्या घरी राहत होती. तिने काही दिवसांपूर्वीच दहावीची परीक्षा दिली असल्याची माहिती आहे.
ती मला नेहमी म्हणायची की माझी काळजी करु नकोस, मी तुझा मुलगा आहे. तिला मोठे झाल्यावर वकील व्हायचे होते. माझ्या मुलीला वाचवण्यासाठी कोणीही आले नाही.
साक्षीची आई
सक्षीची आई आरोपी साहिलला ओळखत नसल्याचं त्यांनी सांगितलं. मुलीला साहिलबद्दल अनेकदा विचारण्याचा प्रयत्न केला, पण तिने काहीच सांगितले नाही, असं त्या म्हणाल्या. त्याचवेळी साक्षीच्या वडिलांनी सांगितले की, माझ्या मुलीला वकील व्हायचे होते. साहिलने माझ्या मुलीची निर्घृण हत्या केली. त्याला फाशी झालीच पाहिजे.
साक्षी मैत्रिणीच्या वाढदिवसाच्या पार्टीला जात होती
रिपोर्ट्सनुसार, साक्षी तिच्या मैत्रिणीच्या घरी जायला निघाली होती. तिच्या मैत्रिणीकडे वाढदिवसाची पार्टी होती. वाटेत साहिलने तिला अडवलं आणि नंतर तिच्यावर चाकूने हल्ला करण्यास सुरुवात केली. ही संपूर्ण घटना कॅमेऱ्यात कैद झाली आहे. आश्चर्याची बाब म्हणजे साहिलने साक्षीवर चाकूने वार करत असताना रस्त्यावरून अनेक लोक जाताना दिसत आहेत, मात्र, कोणीही तिला वाचवण्याचा प्रयत्न केला नाही.
[ad_2]
