[ad_1]
( प्रगत भारत । pragatbharat.com)
Mediclaim Insurance : विमा कंपन्यांकडून (Insurance Company) मेडिक्लेम (Mediclaim) खरेदी केल्यानंतर आपण अनेकजण वैद्यकीय खर्चाबाबत निश्चिंत होतात. मात्र, काहीवेळा विमा कंपन्यांच्या नियमामुळे मेडिक्लेम केला तरी खर्च मिळत नाही. त्यामुळे काही नियमांमध्ये बदल करण्याची मागणी ग्राहकांकडून करण्यात येते. आता सरकार आणि विमा प्राधिकरण एक नियम बदलण्याबाबत चर्चा करत आहे. नियम बदलल्यास ग्राहकांना मोठा दिलासा मिळणार आहे. मेडिक्लेमसाठी विमाधारक रुग्णाने रुग्णालयात किमान 24 तास रुग्णात दाखल असणे आवश्यक असते. मात्र, आता याच नियमात बदल करण्याच्या हालचाली सुरू आहेत.
सध्या विमाधारक रुग्णाला 24 तासांपेक्षा जास्त काळ शस्त्रक्रियेसाठी किंवा उपचारासाठी रुग्णालयात दाखल केल्यावरच विमा कंपन्या मेडिक्लेम देतात. परंतु हा नियम बदलला जाण्याची शक्यता आहे आणि सरकारने याबाबत विमा क्षेत्र नियामक IRDAI (Insurance Regulatory and Development Authority of India) यांच्याशी चर्चा सुरू केली आहे.
राष्ट्रीय ग्राहक विवाद निवारण आयोगाचे (NCDRC-National Consumer Disputes Redressal Commission) अध्यक्ष अमरेश्वर प्रसाप शाही यांनी अलीकडेच मेडिक्लेमचा लाभ घेण्यासाठी 24 तास हॉस्पिटलायझेशनच्या नियमाचा पुनर्विचार करण्यावर भर दिला आहे. आजच्या बदलत्या काळात वैद्यकीय उपचार इतके प्रगत झाले आहेत की उपचार आणि शस्त्रक्रिया काही तासांतच पूर्ण होऊ शकतात. 24 तासांपेक्षा कमी कालावधीसाठी हॉस्पिटलायझेशन असल्यास दावे स्वीकारले जात नाहीत. सध्या अनेक प्रकारचे उपचार आहेत जे 24 तासांपेक्षा कमी वेळेत पूर्ण केले जाऊ शकतात, त्यामुळे आरोग्य विमा कंपन्यांना या गोष्टी लक्षात ठेवाव्या लागतील, असेही त्यांनी नमूद केले.
ग्राहक संरक्षण खात्याचे सचिव रोहित कुमार सिंग यांनीही म्हटले आहे की, ग्राहकांचे हित लक्षात घेऊन IRDAI आणि वित्तीय सेवा विभागाला यावर तोडगा काढण्यास सांगितले जाईल. अलीकडेच, पंजाब आणि केरळच्या जिल्हा ग्राहक समित्यांनी वैद्यकीय विमा दाव्यांबाबत ऐतिहासिक आदेश पारित केला आहे. पंजाबमधील फिरोजपूरच्या जिल्हा ग्राहक आयोगाने हेल्थ इन्शुरन्स कंपनीला चुकीच्या पद्धतीने प्रवेश 24 तासांसाठी असल्याचे सांगून वैद्यकीय दावे नाकारल्याबद्दल जबाबदार धरले आहे.
[ad_2]
