[ad_1]
( प्रगत भारत । pragatbharat.com)
राणाने सांगितले की, ” हा सामना चांगलाच रंगतदार झाला. ही खेळपट्टी संथ होणार होती आणि त्यामुळे धावांचा पाठलाग करणे सोपे नव्हते. पण त्याचवेळी प्रशिक्षक चंद्रकांत पंडीत यांनी दिलेला एक सल्ला चांगलाच कामी आला. पंडीत सरांनी मला हेव्ही रोलर मारायला सांगितला होता. आम्ही फलंदाजीला जाण्यापूर्वी खेळपट्टीवर दव पडले होते. त्यामुळे जेव्हा हेव्ही रोलर मारण्यात आला तेव्हा दव खेळपट्टीमध्ये भिनले गेले आणि त्यामुळे चेंडू हा योग्यपद्धतीने बॅटवर यायला लागला. खेळपट्टी संथ असली तरी पंडीत सरांनी जी गोष्ट सांगितली त्यामुळे फलंदाजी करणे आम्हाला जास्त कठीण गेले नाही.”
धोनीनेही सामना संपल्यावर हीच गोष्ट सांगितली. खेळपट्टी ही संथ होत चालली होती. पण या खेळपट्टीवर जर आमच्या १८० धावा असल्या असत्या तर आम्ही हा सामना जिंकू शकलो असतो. त्यामुळे खेळपट्टी ही संथ होत जाणारी होती. पण जर चेन्नईच्या संघाने १८० पेक्षा जास्त धावा केल्या असत्या तर त्यांना विजय मिळवता आला असता. आता दोन्ही संघ प्ले ऑफच्या शर्यतीत आहेत आणि दोन्ही संघांसाठी प्रत्येकी एक सामना शिल्लक आहे.
चेन्नईचा संघ हा १५ गुणांसह दुसऱ्या स्थानावर आहे, तर केकेआरचा संघ १२ गुणांसह सातव्या स्थानावर आहे.
[ad_2]
