आई आणि बहिणींना मारहाण केल्याप्रकरणी मुलगा आणि सुनेवर गुन्हा

pragatbharat@gmail.com

पिंपरी, दि. ४ (प्रतिनिधी) – आई आणि दोन बहिणींना काठीने मारहाण केल्याप्रकरणी मुलगा आणि सुनेवर गुन्हा दाखल करण्यात आला आहे. नवी सांगवी येथे ३० व ३१ डिसेंबर २०२३ रोजी ही घटना घडली.निलेश रतन वंजारे आणि त्याची पत्नी (दोघे रा. संत तुकाराम नगर, नवी सांगवी) अशी गुन्हा दाखल झालेल्यांची नावे आहेत. याप्रकरणी निलेश यांच्या आईने सांगवी पोलिस ठाण्यात फिर्याद दिली आहे. पोलिसांनी दिलेल्या माहितीनुसार, फिर्यादी यांचा मुलगा आणि सुनेने त्यांच्याशी वाद घालत हाताने मारहाण केली. दुसऱ्या दिवशी फिर्यादी यांच्या दोन मुली फिर्यादी यांना बघण्यासाठी आल्या. आरोपींनी पुन्हा शिवीगाळ करून फिर्यादी आणि त्यांच्या मुलींना काठीने मारहाण केली. तसेच तुमचा काय संबंध इथं यायचा. तुम्हाला जिवे मारीन, अशी धमकी दिली. सांगवी पोलिस तपास करीत आहेत.

Related posts