[ad_1]
( प्रगत भारत । pragatbharat.com)
Kashmir Snowfall : उत्तर भारतात भन्नाट बर्फवृष्टी सुरू आहे, अशात अनेक पर्यटक बर्फाळ प्रदेशात फिरायला जातात. जानेवारी किंवा फेब्रुवारी महिन्यात काश्मीरला गेल्यावर बर्फवृष्टी अनुभवण्याचा आनंद मिळतो. बर्फात खेळण्याचा आनंदच काही और असतो. सोशल मीडियावर असाच एक व्हिडीओ व्हायरल होत आहे, यात दोन चिमुकल्या बर्फवृष्टीचा आनंद घेताना दिसत आहे, त्यांचा हा व्हिडिओ लोकांच्या चांगलाच पसंतीस उतरला आहे.
काश्मीरच्या या चिमुकल्या जुळ्या बहिणी आहेत. दोघींनी अगदीच सारखे पोशाख, बूट, कानटोपी परिधान केली आहे. रस्त्यावर सर्वत्र बर्फ पसरलेला पाहून एक चिमुकली म्हणते आहे की, सर्वत्र दुधाच्या लाटा पसरल्या आहेत. तर दुसरी म्हणते आहे की, सर्दी तर लागते आहे; पण मजासुद्धा करायची आहे, असे व्हिडीओत दिसते आहे. पाहा या दोन चिमुकल्यांचा मजेशीर व्हिडीओ.
Sleds on Snow
Or
Shayari on Snow.
My vote goes to the second…#Sunday
— anand mahindra (@anandmahindra) February 4, 2024
काश्मीरच्या दोन सुंदर मुलींच्या प्रतिक्रिया
सोशल मीडियावर व्हायरल होत असलेल्या या व्हिडिओमध्ये काश्मीरमधील दोन लहान मुली दिसत आहेत. त्यांच्या आजूबाजूला बर्फाची पांढरी चादर दिसते. काश्मीरमधील बर्फवृष्टीमुळे दोन्ही मुली खूप खूश दिसत आहेत. कॅमेरा त्या मुलींकडे सरकताच. ती म्हणते, ‘अस्सलाम आलेकुम, तुम्ही बघू शकता की शेवटी बर्फ पडला आहे. मी किती एन्जॉय करतोय हे तुम्हाला जाणवत असेल, जणू मी स्वर्गाच्या मध्यभागी बसलोय. यानंतर, एक मुलगी हातात बर्फ उचलते आणि म्हणते ‘आणि या दुधाच्या लाटा आहेत’. या गोंडस व्हिडिओमध्ये मुली एका रिपोर्टरप्रमाणे काश्मीरमधून बर्फवृष्टीची माहिती देताना दिसत आहेत. दोघेही खूप क्यूट दिसत आहेत आणि त्यांचे संभाषणही छान आहे. हा व्हिडिओ सोशल मीडियावर चांगलाच व्हायरल होत आहे.
आनंद महिंद्रांनीही शेअर केला व्हिडीओ
सगळ्यात आधी सोशल मीडियावर @SrinagarGirl या युजरने ‘मी आज व्हॉट्सअॅपवर पाहिलेली सर्वांत सुंदर गोष्ट’, असे म्हणत हा व्हिडीओ शेअर केला होता; जो सुप्रसिद्ध उद्योगपती आनंद महिंद्रा यांनी पाहिला आणि रिपोस्ट केला आहे. तसेच व्हिडीओ शेअर करीत, ‘स्लेज ऑन स्नो किंवा बर्फावर शायरी. माझे मत (वोट) दुसऱ्या चिमुकलीला जाते’, अशी कॅप्शन आनंद महिंद्रा यांनी या व्हिडीओला दिली आहे.
बर्फवृष्टी पाहून दोन्ही चिमुकल्यांचा आनंद गगनात मावेनासा झालाय आणि त्या जशी शायरी सादर केली जाते अगदी त्याचप्रमाणे विविध शब्दांत त्यांच्या भावना मांडताना दिसत आहेत. या दोन्ही चिमुकल्यांचे हावभाव, त्यांची बर्फाचे वर्णन करण्याची स्टाईल तुमचेही मन जिंकून घेईल एवढं नक्की. सोशल मीडियावर आनंद महिंद्रा यांच्या अधिकृत @anandmahindra या एक्स (ट्विटर) अकाउंटवरून हा व्हिडीओ शेअर करण्यात आला आहे; जो अनेकांच्या पसंतीस उतरताना दिसत आहे.
हेही वाचा:
VIDEO : बाजारात आली इडली-सांबर आईस्क्रीम; बघूनच लोकांचा राग अनावर, व्हिडीओवर आलेल्या कमाल कमेंट्स वाचून हसू आवरणार नाही
अधिक पाहा..
[ad_2]