Son Builds Taj Mahal Inspired Memorial House For Dead Mother; आईच्या स्मृतीप्रित्यर्थ लेकानं उभारला ताजमहाल

[ad_1]

( प्रगत भारत । pragatbharat.com)

चेन्नई: मुघल बादशहा शहाजहाननं त्याची पत्नी मुमताजच्या स्मृतीप्रित्यर्थ, प्रेमाचं प्रतीक म्हणून ताजमहाल बांधला. आता एका मुलानं त्याच्या आईच्या आठवणीत ताजमहालची प्रतीकृती उभारली आहे. त्यासाठी त्यानं कोट्यवधी रुपये खर्च केले आहेत. तमिळनाडूच्या तिरुवरुर जिल्ह्यात वास्तव्यास असलेल्या अमरुद्दीन शेख दाऊद यांनी त्यांच्या आईच्या आठवणीत ताजमहालसारखी हुबेहूब वास्तू उभारली आहे.तमिळनाडूच्या तिरुरवर जिल्ह्यात ताजमहालची प्रतिकृती उभारण्यात आली आहे. या वास्तूची हुबेहूब रचना पाहून अनेकजण चकित झाले. २०२० मध्ये अमरुद्दीन यांच्या आई जेलानी बिवी यांचं आजारामुळे निधन झालं. अमरुजद्दीन यांच्या आयुष्यात आईचं स्थान फार महत्त्वाचं होतं. त्यामुळे आईच्या निधनामुळे त्यांना मोठा धक्का बसला.

माझी अप्सरा हरवलीय ओ! पुजारी पोलीस स्टेशनात; पोलिसांनी चक्रं फिरवली, धक्कादायक माहिती उघडकीस
माझी आई माझ्यासाठी शक्ती आणि प्रेमाचं प्रतीक होती, अशा भावना अमरुद्दीननं व्यक्त केल्या. ‘१९८९ मध्ये माझ्या वडिलांचं अपघाती निधन झालं. पती निधनानंतरही आई डगमगली नाही. तिनं पाच मुलांचा नीट सांभाळ केला. माझ्या वडिलांचं निधन झालं तेव्हा आई केवळ ३० वर्षांची होती,’ असं अमरुद्दीन म्हणाले.

पती गमावल्यानंतर माझ्या आईनं पुनर्विवाह न करण्याचा निर्णय घेतला. मी आणि माझ्या बहिणी तेव्हा खूप लहान होतो. स्वत:च्या कुटुंबाच्या रक्षणासाठी माझ्या आईनं कायम संघर्ष केला. ती आमच्या कुटुंबाचा कणा होती. ती आमच्यासाठी आई तर होतीच, पण तिनं वडिलांची भूमिकादेखील समर्थपणे पार पडली, अशा भावना अमरुद्दीन यांनी बोलून दाखवल्या.
घरी मी एकटीच, भेटायला ये! विवाहित प्रेयसीचा लाडिक मेसेज; तरुणानं तातडीनं घर गाठलं अन् मग…
२०२० मध्ये आई आम्हाला सोडून गेली. मला त्यावर विश्वासच बसत नव्हता. ती आजही आमच्यासोबत आहे असं मला कायम वाटत राहतं. आमच्याकडे तिरुवरुरमध्ये काही जमीन होती. त्यावर तिच्या आठवणीत एक स्मारक उभारण्याचा विचार मनात आला. कुटुंबियांपुढे हा विचार मांडला. त्यांनी लगेचच होकार दिला, असं अमरुद्दीन यांनी सांगितलं.

ताजमहालची प्रतिकृती उभारण्याचं काम ३ जून २०२१ पासून सुरू झालं. २०० पेक्षा अधिक कामगारांनी ८ हजार चौरस फूट जागेत ताजमहालची उभारणी केली. ताजमहालच्या उभारणीसाठी दोन वर्षांचा कालावधी लागला. त्यासाठी साडे पाच कोटी रुपयांचा खर्च आला. आई आमच्यासाठी ५-६ कोटी रुपये सोडून गेली होती. आम्हाला तो पैसा नको होता. त्या पैशातून आम्ही आईचं स्मारक बांधलं. हे स्मारक आम्ही एका चॅरिटेबल ट्रस्टला दिलं आहे, अशी माहिती त्यांनी दिली.

[ad_2]