[ad_1]
( प्रगत भारत । pragatbharat.com)
झालं असं की, सप्तपदीवेळी जेव्हा नवरदेव आणि नवरी अग्निकुंडाला फेऱ्या मारत होते. तेव्हा मद्यधुंद अवस्थेतील नवदेव अचानक मंडपात अडखळत चालू लागला. बघता बघता तो जमिनीवर कोसळला. हे सारं पाहून नवरी हैराण झाली आणि तिने संतापून थेट मांडवात लग्नास नकार दिला. इतकंच नाही तर नवरदेवाच्या वडिलांना त्याची व्यसनं लपवण्यासाठी चार गोष्टीही ऐकवल्या. त्यानंतर ती मांडवात उठून निघून गेली.
अटर्रा पोलीस स्टेशन परिसरात राहणाऱ्या एका व्यक्तीच्या मुलीचे लग्न बांदा येथील लुकतरा गावातील रहिवासी रामकृपाल यांचा मुलगा प्रेम बाबू याच्याशी निश्चित झाले होते. २२ जून रोजी वर पक्षा वऱ्हाड घेऊन आलं. वधूच्या वडिलांनी वऱ्हाडी आणि नातेवाईकांचे स्वागत आणि सत्कार केला. यानंतर नवरदेव नवरीने एकमेकांच्या गळ्यात हार घातले.
त्यानंतर सप्तपदीची विधी सुरु करण्यात आली. यावेळी फेरा मारताना नवरदेव मद्यधुंद अवस्थेत असल्याने तिथेच पडला. नवरदेवाला अशा परिस्थितीत पाहून साऱ्यांनाच धक्का बसला. यानंतर कळाले की त्याने मद्यप्राशन केले होते. हे कळताच नवरीने सप्तपदीला नकार दिला. इतकंच नाही तर तिने भर मांडवात नवरदेवाच्या वडिलांवर संपात व्यक्त केला आणि लग्न करणार नसल्याचं सांगितलं.
त्यानंतर हे प्रकरण वाढतच गेलं. तणाव वाढताना पाहून गावातील लोकांनी दोन्ही पक्षांना शांत करण्याचा प्रयत्न केला. दरम्यान, वऱ्हाड्यांनीही लग्नातून काढता पाय घेतला आणि नवरदेवही घरी परतला. या प्रकरणी अटर्रा स्टेशन प्रभारी अरविंद कुमार यांनी सांगितले की, या प्रकरणाची माहिती पोलिस स्टेशनपर्यंत पोहोचलेली नाही. तक्रार आल्यास कारवाई केली जाईल.
[ad_2]