[ad_1]
( प्रगत भारत । pragatbharat.com)
आगामी सार्वत्रिक निवडणुकीत विरोधी पक्षांची आघाडी झाल्यास त्यांचा नेता कोण असेल हा वादाचा मुद्दा असल्याने या बैठकीत त्यावर चर्चा होणार नाही, अशी माहिती सूत्रांनी दिली. वादग्रस्त विषय टाळून विरोधी ऐक्यासाठी ठोस पार्श्वभूमी निर्माण करणे हा या बैठकीमागील हेतू आहे. या बैठकीस १५ पक्षांच्या नेत्यांची उपस्थिती अपेक्षित असून यामध्ये पाच ते सहा राज्यांचे मुख्यमंत्र्यांचा समावेश असण्याची शक्यता आहे.
उत्तर प्रदेशातून समाजवादी पक्षाचे नेते अखिलेश यादव या बैठकीत सहभागी होणार आहेत. परंतु मायावती यांच्या बसपला या बैठकीचे आमंत्रण देण्यात आलेले नाही. शिवाय, राष्ट्रीय लोकदलाचे नेते जयंत चौधरी यांनी कौटुंबिक कार्यक्रमाचे कारण पुढे करत या बैठकीतून आधीच अंग काढून घेतले आहे. दुसरीकडे, काँग्रेस व आम आदमी पक्षातील विसंवाद समोर आला आहे. दिल्ली सरकारच्या प्रशासकीय अधिकारांवर टाच आणत केंद्र सरकारने जारी केलेल्या अध्यादेशाविरोधात लढा देण्याची हमी काँग्रेसकडून मिळायला हवी यासाठी आम आदमी पक्ष आग्रही आहे. काँग्रेसने ही हमी न दिल्यास आम्ही या बैठकीतून बाहेर पडू, असा इशारा आपतर्फे गुरुवारी देण्यात आला.
ममता बॅनर्जी, अरविंद केजरीवाल, भगवंत मान, मेहबुबा मुफ्ती हे नेते गुरुवारीच पाटण्यात दाखल झाले. एका विशाल कुटुंबाप्रमाणे आम्ही एकत्रितपणे भाजपविरोधात लढा देणार आहोत, अशी प्रतिक्रिया ममता बॅनर्जी यांनी दिली.
अंबरनाथच्या तरुणाला वर्दीचा मान, लष्करात लेफ्टनंट म्हणून रुजू, क्लासविना पहिल्याच प्रयत्नात यश
कोणत्या नेत्यांची उपस्थिती?
काँग्रेसतर्फे पक्षाध्यक्ष मल्लिकार्जुन खर्गे व राहुल गांधी, प. बंगालच्या मुख्यमंत्री ममता बॅनर्जी (तृणमूल काँग्रेस), दिल्लीचे मुख्यमंत्री अरविंद केजरीवाल (आप), पंजाबचे मुख्यमंत्री भगवंत मान, एम. के. स्टॅलिन (द्रमुक), झारखंडचे मुख्यमंत्री हेमंत सोरेन (झारखंड मुक्ती मोर्चा), अखिलेश यादव (सप), उद्धव ठाकरे (शिवसेना उद्धव बाळासाहेब ठाकरे), खा. शरद पवार (राष्ट्रवादी काँग्रेस) आदी नेते या बैठकीस उपस्थित राहणार आहेत.Kalyan News: ऋतिक गटारात उतरला, पत्र्याला हात लागताच किंकाळी फोडली, कल्याणमध्ये सफाई कामगाराचा दुर्दैवी अंत
मायावती यांची सडकून टीका
विरोधी पक्षांच्या बैठकीचे निमंत्रण न दिल्याने मायावती यांनी नाराजी व्यक्त करून सडकून टीका केली आहे. या बैठकीत ‘विरोधी नेत्यांची मनं जुळतील का ते माहीत नाही; किमान हस्तांदोलन तरी करा,’ या शब्दांत त्यांनी हल्लाबोल केला. या संदर्भात मायावती यांनी ट्वीटही केले आहे. ‘महागाई, गरिबी, मागासलेपण, शिक्षणाचा अभाव, जातीय द्वेष, धार्मिक विद्वेष पसरलेल्या या देशातील बहुजन समाजाला बाहेर काढण्याची क्षमता भाजप आणि काँग्रेसची नाही,’ अशी प्रतिक्रिया त्यांनी दिली.
Titan Submersible: टायटॅनिक पाहायला जायचं नव्हतं, वडिलांच्या हट्टापायी मुलगा गेला, बापलेकाने प्राण गमावले
[ad_2]
