[ad_1]
( प्रगत भारत । pragatbharat.com)
फेसबुकवरून सुरू झालेल्या प्रेमाचा शेवट खून…
दिल्लीचा प्रसिद्ध फिटनेस फ्रीक, आकर्षक उंची, देखणा चेहरा… अगदी प्रत्येक तरुणीच्या स्वप्नातील राजकुमारासारखा. हेमंत लांबा असं या हिरोचं नाव. बॉडी बिल्डिंगमध्ये त्याला राष्ट्रीय पुरस्कारही मिळाला आहे. त्याचं दिल्लीतील एका १९ वर्षीय तरुणीवर प्रेम होतं. होय, भेट झाली नाही, पण प्रेमाची सगळी चर्चा फेसबुकवर झाली होती. चॅटिंगवरूनच प्रेमात इथके अखंड बुडाले की कायम सोबत राहण्याच्या आणाभाका घेतल्या. त्यामुळे दोघेही भेटण्याची वाट पाहत होते. मुलीचं नाव होतं दीप्ती. हेमंतला दीप्तीची फेसबुक प्रोफाईल खूप आवडली होती. अशात दीप्तीही या हँडसम हंककडे काही कमी आकर्षित झाली नव्हती.
Crime Diary: सासू अन् पतीला रोज थोडं-थोडं करून मारणारी मुंबईची सून; वाचा सायलंट किलर ‘सौ’ची कहाणी…
दिल्लीत पहिल्यांदाच दोघेही भेटले…
अखेर प्रेमात राहावलंच नाही म्हणून दोघांनी भेटण्याचा बेत आखला. आता त्यांचं प्रेम संगणकाच्या आभासी जगातून वास्तव्याच्या जगात समोर येणार होतं. २ डिसेंबर २०१९ रोजी त्यांनी भेटायचं ठरवलं. त्यांनी भेटण्यासाठी दिल्ली हे ठिकाणही निवडलं. दीप्ती खूप खुश होती, हेमंतसुद्धा मैत्रिणीला भेटण्यासाठी खूप उतावळा झाला होता. अखेर तो क्षण आला आणि दोघींचीही भेट झाली, पण दीप्तीला पाहून हेमंतच्या चेहऱ्याचा रंग उडाला.
हेमंत जिजिच्याशी इतके दिवस बोलत होता तो चेहरा प्रत्यक्षात पाहून तो खूप नाराज झाला. पण दीप्तीला मात्र अजूनही तिचा प्रिन्स चार्मिंग हेमंत दिसत होता. अशात हेमंतला मात्र तिच्या चेहऱ्याचा तिरस्कार येत होता.
Crime Diary: जाताना दोघे येताना एकटाच, लग्नाचं प्रपोज, प्रेमभंग, झटापट अन् रक्तपात; दर्शना मर्डर केसबद्दल सगळं काही…
चेहरा आवडला नाही म्हणून प्रेयसीला कायमचं संपवलं…
या पहिल्या भेटीमध्ये दोघेही हेमंतच्या आलिशान कारमध्ये बसले होते. दीप्ती हेमंतशी बोलत असतानाच हेमंतच्या मनात एक षडयंत्र सुरू झालं. दोघांची ही पहिली भेट होती, त्यानंतर अचानक हेमंतने खिशात ठेवलेलं पिस्तूल काढून थेट दीप्तीवर गोळी झाडली. हेमंतने प्रेयसीची दोन गोळ्या झाडून हत्या केली. ज्याच्याशी तो महिनोनमहिने प्रेमाविषयी बोलत राहिला, तिला भेटताच क्षणी त्याने ठार केलं. कारण एकच की हेमंतला दीप्तीचा चेहरा आवडला नाही. त्याला दीप्ती सुंदर वाटली नाही, म्हणून त्याने तिला मारले.
कॅब ड्रायव्हरचीही हत्या….
दीप्तीची हत्या केल्यानंतर त्याने कार रेवाडीच्या दिशेने वळवली आणि दीप्तीचा मृतदेह धरुहेरा इथल्या निर्जनस्थळी फेकून तेथून पळ काढला. ज्या कारमध्ये हेमंतने दीप्तीचा खून केला होता ती कार अखेर सापडली. त्याने दीप्तीचा मोबाईल सोबत ठेवला आणि दुसऱ्या दिवशी त्या मोबाईलवरून जयपूरसाठी कॅब बुक केली. कॅबमध्ये बसून हा खुनी जयपूरला निघाला. वाटेत कॅब चालकाला संशय आला. यानंतर सुटण्यासाठी त्याने कॅब चालकाची गोळ्या झाडून हत्या केली आणि मृतदेह जयपूरजवळ फेकून दिला.
Crime Diary: खोलीत तरुणीची तर प्लॅटफॉर्मवर गार्डची बॉडी; मैत्रिणीने उलगडलं सिक्रेट, मुंबईतल्या हॉस्टेलची हॉरर स्टोरी
आता जन्मठेपेची शिक्षा…
यानंतर हेमंत त्याच कॅबने गुजरातला रवाना झाला. गुजरातमध्ये ती कॅब एका डीलरला विकण्याचा प्रयत्न त्याने केला. ही गाडी खूप महाग होती, पण हेमंत स्वस्त दरात विकायला तयार होता. कार विक्रेत्याला संशय आल्याने त्यांनी पोलिसांना माहिती दिली. अखेर पोलिसांनी हेमंतला अटक केली. दुसरीकडे, दीप्तीचा मृतदेह पोलिसांना सापडला. पोलीस दीप्तीची ओळख पटवण्याचा प्रयत्न करत होते. या सगळ्या घटनेचा पोलिसांनी कसून तपास सुरू केला. एक-एक घटनाक्रम जेव्हा जुळला तेव्हा हेमंतच्या काळ्या कृत्याचा उलगडा झाला. दिल्लीतील प्रसिद्ध बॉडी बिल्डर हेमंतनेच दोन्ही हत्या केल्याचं समोर आलं. दीप्ती हत्येप्रकरणी हेमंतला आता या वर्षी मे महिन्यात जन्मठेपेची शिक्षा सुनावण्यात आली आहे, तर कॅब चालकाचा खटला अद्याप सुरू असल्याची माहिती आहे.
Crime Diary: साहिल, प्रविण अन् अजय; प्रेमाचं जाळं खूनापर्यंत गेलं; साक्षी मर्डर केसची स्टार्ट टू एण्ड कहाणी
[ad_2]
