[ad_1]
( प्रगत भारत । pragatbharat.com)
कर्नाटकच्या नव्या सरकारमध्ये उपमुख्यमंत्री म्हणून डी. के. शिवकुमार यांनी शपथ घेतली. कर्नाटकातील जी. परमेश्वर, के. एच. मुनियप्पा, केजे जॉर्ज आणि एम. बी. पाटील यांची कॅबिनेट मंत्रीपदी वर्णी लागली. सतीश जारकीहोली, प्रियांक खर्गे (मल्लिकार्जुन खर्गेंचे पुत्र ), रामलिंगा रेड्डी आणि जमीर अहमद खान यांनी राज्यमंत्रीपदाची शपथ घेतली. डी. के. शिवकुमार यांनी उपमुख्यमंत्रीपदाची शपथ घेतल्यावर व्यासपीठावर उपस्थित सर्वांचे आभार मानले.
सिद्धारामय्या आणि डी. के. गटाचे आमदार नंतर होणार मंत्री
कर्नाटकच्या मंत्रिमंडळात एकूण ३४ मंत्री असणार आहेत. आता फक्त ८ आमदारांची मंत्रीपदी वर्णी लागली आहे. ज्या ८ जणांनी मुख्यमंत्री सिद्धारामय्या आणि डी. के. शिवकुमार यांच्यासोबत मंत्रीपदाची शपथ घेतली ते थेट काँग्रेस नेतृत्वाच्या संपर्कातील आहेत. यामुळे त्यांची मंत्रीपदी वर्णी लागली.
Karnataka New CM : कर्नाटकच्या मुख्यमंत्रीपदाचा शपथविधी, भाजपला डिवचत महाराष्ट्रातल्या दोन नेत्यांना निमंत्रण
सिद्धारामय्या आणि डी. के. शिवकुमार यांच्या गटातील ज्या आमदारांची मंत्रीपद देण्यात येणार आहे आणि पण काँग्रेस हायकमांडशी थेट संपर्क नाही, अशा आमदारांना मंत्रीपद देण्याबाबत चर्चा होणार आहे. यासाठी मुख्यमंत्री आणि उपमुख्यमंत्री पुन्हा दिल्लीत चर्चेसाठी जातील, अशी माहिती आहे.Siddaramaiah Cabinet : सिद्धरामय्यांच्या नव्या सरकारची पहिली टीम जाहीर, मंत्रिपदाची शपथ कोण घेणार? यादी जाहीर
शिवकुमार शरद पवार यांच्या पाया पडले
शपथविधी सोहळ्यात व्यासपीठावर उपस्थित असलेल्या शरद पवार यांचे शिवकुमार हे पाया पडले आणि त्यांचे आशीर्वाद घेतले. राहुल गांधींनीही या सोहळ्याच्या निमित्ताने शरद पवारांची भेट घेतली. या शपधविधी सोहळ्यात बिहारचे मुख्यमंत्री नितीश कुमार, उपमुख्यमंत्री तेजस्वी यादव, डाव्या पक्षाचे डी. राजा, तामिळनाडूचे मुख्यमंत्री एम. के. स्टॅलीन, राष्ट्रवादी काँग्रेचे अध्यक्ष शरद पवार, नॅशनल कॉन्फरन्सचे फारूख अब्दुल्ला आणि कमल हसन हे व्यासपीठावर उपस्थित होते. यांच्यासह राहुल गांधी, प्रियंका गांधी, कमलनाथ आणि राजस्थानचे मुख्यमंत्री अशोक गहलोत, छत्तीसगडचे मुख्यमंत्री भूपेश बघेल उपस्थित होते. सोनिया गांधी या सोहळ्याला उपस्थित नव्हत्या.
[ad_2]
