[ad_1]
( प्रगत भारत । pragatbharat.com)
ITLF च्या आंदोलनाआधी एक दिवस व्हिडिओ व्हायरल, ४ मेचा व्हिडिओ
अधिकाऱ्यांनी दिलेल्या माहितीनुसार, हा व्हिडिओ इंडिजिनस ट्रायबल लीडर्स फोरमच्या आंदोलनाआधी व्हायरल करण्यात आला. आता ITLF ने त्या समाजाची दुर्दशा अधोरेखित करण्यासाठी आता आंदोलन पुकारलं आहे. इंडिजिनस ट्रायबल लीडर्स फोरम अर्थात ITLF च्या एका प्रवक्त्याने दिलेल्या माहितीनुसार, हा व्हिडिओ कांगपोकपी जिल्ह्यातील असून तो ४ मेचा आहे. महिलांना नग्न करुन त्यांचा व्हिडिओ काढण्यात आला होता. व्हिडिओमध्ये पुरुषांची गर्दी पीडित महिलांसोबत सतत छेडछाड करत असल्याचं दिसत आहे.
घटनेच्या एका महिन्याने तक्रार दाखल
पीडित महिला बंधक बनवून त्या सतत मदतीसाठी इतरांकडे याचना करत होत्या. हे आरोपी इतक्यावरच थांबले नाहीत, त्यांनी महिलांचा व्हिडिओ बनवून तो नंतर व्हायरलही केला. त्यामुळे निरपराध महिलांवर होणारा भयंकर अत्याचार, त्यांना झालेल्या यातना अनेक पटींनी वाढल्या आहेत. ITLF नुसार, २१ जून रोजी या प्रकरणाची तक्रार नोंदवण्यात आली. फेनोम गावातील ६५ वर्षीय प्रमुख थांगबोई वैफेई यांच्याकडून पोलीस स्थानकात याप्रकरणी तक्रार दाखल करण्यात आली. तसंच या तक्रारीत त्यांनी पुरुषांच्या समुदायाने तिसऱ्या महिलेवर सामुहिक अत्याचार केल्याचं सांगण्यात आलं.
४ मे रोजी १००० लोक त्या गावात घुसलेले
तक्रारीनुसार, मणिपूरमध्ये पहिल्यांदा हिंसासार भडकल्यानंतर दुसऱ्या दिवशी ४ मे रोजी दुपारी एके रायफल्स, एसएलआर इन्सास आणि ३०३ रायफल्ससारखी शस्त्र घेऊन जवळपास १००० लोक बी. फेनोम गावात घुसले होते. यावेळी त्यांनी गावात तोडफोड केली, या गावातील लोकांच्या घरातील वस्तू लुटल्या तसंच अनेकांची घरं जाळलीही. लोक आपला जीव वाचवण्यासाठी पळू लागले. त्यावेळी पाच लोक आपला जीव वाचवण्यासाठी जंगलाकडे पळाले.
दोन पुरुषांची हत्या केली
यात दोन पुरुष आणि तीन महिला सामिल होत्या. या पाच लोकांमध्ये ५६ वर्षीय व्यक्ती, त्यांचा १९ वर्षीय मुलगा आणि २१ वर्षीय मुलगी त्याशिवाय ४२ वर्षीय आणि एक ५२ वर्षीय महिला सामिल होते. जंगलात पळलेल्या या लोकांना नोंगपोक सेकमाई पोलीस स्टेशनच्या एका टीमने रेस्क्यू केलं. पण तक्रारदाराने केलेल्या तक्रारीनुसार, गावात घुसलेल्या लोकांनी नोंगपोक सेकमाई पोलीस स्टेशनपासून दोन किलोमीटर अंतरावर पोलीसांच्या टीमकडून या पाचही लोकांना आपल्या ताब्यात घेतलं.
दोघांची हत्या, दोन महिलांना विवस्त्र करुन दुष्कृत्य
त्यानंतर ५६ वर्षीय व्यक्तीची हत्या करण्यात आली. या व्यक्तीसोबत असलेल्या तीन महिलांना विवस्त्र होण्यास भाग पाडण्यात आलं. त्यांच्यासोबत असलेल्या २१ वर्षीय तरुणीवर गँगरेप करण्यात आला. या मुलीच्या भावाने तिला वाचवण्याचा प्रयत्न केला त्यावेळी त्याचीही हत्या करण्यात आली. यावेळी एक महिला काही लोकांच्या मदतीने या घटनास्थळावरुन पळ काढण्यात यशस्वी झाली. दोन महिलांना विवस्त्र करुन रस्त्यावरुन फिरवण्यात आल्याचं तक्रारीत म्हटलं आहे. या घटनेनंतर संपूर्ण मणिपूरसह भारतभरात उद्रेकाची लाट आहे.
महिलेने सांगितली आपबिती
हजारो पुरुषांसमोर खुल्या जमावात आम्हा दोघांना बंदुकीचा धाक दाखवत विवस्त्र करण्यात आलं. तसं न केल्यास जीवे मारण्याची धमकी दिली. त्यांनी आम्हाला नाचायला लावलं, ढकललं आणि धक्काबुक्की केली असल्याचं ४२ वर्षीय महिलेने सांगितलं. या महिलेच्या पतीने सांगतिलं, की माझी पत्नी नैराश्यात गेली असून आमच्या मुलांची काळजी घेण्यासाठी ती सामान्य स्थितीत येण्यासाठी धडपडत आहे.
[ad_2]
