[ad_1]
( प्रगत भारत । pragatbharat.com)
५६ वर्षांच्या एलिझा याहिओग्लू या कोट्यधीश झाल्या आहेत. मिररच्या रिपोर्टनुसार, महिलेने Omaze Million-Pound House Draw मध्ये २५ पाउंड म्हणजेच भारतीय चलनात सुमारे २६०० रुपयांचे तिकीट काढले होते. या लकी ड्रॉमध्ये महिलेला २ दशलक्ष पाउंड स्टर्लिंगचे फार्महाऊस मिळाले आणि ती एका रात्रीत कोट्यधीश झाली आहे.
वाढदिवशीच मिळालं कोट्यवधींचं गिफ्ट
एलिझा याहिओग्लूच्या ५६व्या वाढदिवसानिमित्त तिला एक खास भेट मिळाली. ती आपला वाढदिवस साजरा करत असतानाच तिच्या पतीचा फोन वाजला. पार्टी दरम्यान कोणी फोन केला म्हणून ती उचलायला गेली. फोन घेताच तिचं आयुष्य बदललं.
ओमेज प्रेझेन्टरने स्वत: त्यांच्या घरी येत त्यांना ही गुड न्यूज दिली. जेव्हा महिलेने हे ऐकलं तेव्हा तिला यावर विश्वासच बसला नाही. तिला हे सारं एखाद्या स्वप्नासारखं वाटत होतं. तिने यॉर्कशायरजवळ एका सुंदर नैसर्गिक ठिकाणी एक आलिशान बंगला जिंकला होता. यासाठी तिला काहीही गहाण ठेवावे लागणार नाही, मुद्रांक शुल्क किंवा कायदेशीर शुल्क भरावे लागणार नाही.
एलिझाने ओमेजचे २६०० रुपयांचे सबस्क्रिप्शन घेतले होते. ज्यामुळे तिने हे घर जिंकलं. घरासोबतच तिला १ कोटी रुपयांचे बक्षीसही मिळाले आहे. या सोडतीच्या माध्यमातून ब्लड कॅन्सर रुग्णांसाठी २० कोटींहून अधिक निधी उभारण्यात आला आहे.
एका प्रतिनिधीने सांगितले की यॉर्कशायरमध्ये एक सुंदर घर खरेदी करण्यासोबतच एलिझाने चॅरिटीमध्येही योगदान दिले आहे. एवढ्या मोठ्या बक्षीसाच्या माध्यमातून त्याला भरपूर चॅरिटी मिळते, ज्याचा उपयोग रक्ताच्या कर्करोगाच्या रुग्णांच्या मदतीसाठी केला जातो. एलिझा यॉर्कशायरची असल्याने हा पुरस्कार तिच्यासाठी आणखीनच खास बनला आहे.
[ad_2]