[ad_1]
( प्रगत भारत । pragatbharat.com)
डेली मेलच्या रिपोर्टनुसार, न्यूयॉर्कमध्ये राहणाऱ्या डेनिस आणि अँजेला यांनी २००२ मध्ये एक मूल दत्तक घेतले होते. हे मूल स्टेटन आयलंडवरील डे-केअर सेंटरच्या दारात डायपर बॅगमध्ये सापडले होते. दोघांनी त्याचे नाव फ्रँक लॉफिन्स ठेवले आणि त्यांनी त्याला आपल्या मुलासारखं वाढवलं. दोन वर्षानंतर याच कुटुंबाने दुसरी मुलगी दत्तक घेतली. ही मुलगी हॉस्पिटलच्या बाथरूममध्ये सापडली होती. तिचे नाव विक्की लॉफिन्स ठेवण्यात आलं.
उत्खननात मुलीला सापडला १५०० वर्ष जुना जादूचा आरसा, पाहा कसा दिसायचा, वापर ऐकून चक्रावाल
डेनिस यांना निक नावाचा मुलगाही होता. विक्की, फ्रँक आणि निक एकत्र वाढले होते. एकत्र शिकत होते. विक्की आणि फ्रँक यांना तर हे देखील माहिती नव्हतं की त्यांना दत्तक घेतलेलं आहे. पण, अचानक एके दिवशी विक्की आणि फ्रँकला वाटले की ते निकपेक्षा काहीसे वेगळे दिसतात. यामागे काय कारण आहे, असा प्रश्न त्यांना पडला.
सत्य जाणून घेण्यासाठी विक्की आणि फ्रँकने डीएनए चाचणी केली. त्याचे जे परिणाम समोर आले ते अत्यंत धक्कादायक होते. या चाचणीत असं दिसून आले की विक्की आणि फ्रँक प्रत्यक्षात सख्खे भाऊ आणि बहीण आहेत. दोघांचे पालक एकच आहेत.
ज्याला दगड समजलं तो तर खजिना निघाला, एका रात्रीत शेतकऱ्याचं नशीब पालटलं
दोन वर्षांच्या अंतराने दोघांना वेगवेगळ्या ठिकाणी फेकलं गेलं होतं. विक्की म्हणाली की, आमच्यासाठी हा नक्कीच मोठा धक्का होता. माझा भाऊ, ज्याच्यासोबत मी माझे संपूर्ण आयुष्य जगले, तो माझा जैविक भाऊ असेल अशी मला अजिबात अपेक्षा नव्हती. आम्ही कुटुंबापेक्षा वेगळे दिसतो हे आम्हाला माहीत होते, पण कधी वेगळं वाटलं नाही. कारण या कुटुंबाने आम्हाला खूप प्रेम दिले. पण, जसजसे आम्ही मोठे झालो तसतसे आम्हाला सत्य जाणून घेण्याची इच्छा निर्माण झाली आणि डीएनए चाचणी झाली.
अँजेला म्हणाली, आम्हाला आधीच माहित होतं, पण त्या मुलांना कसं सांगणार? हे कळण्यासाठी ते खूप लहान होते. मी विचार केला की ते मोठे झाल्यावर त्यांच्यासमोर एक बॉक्स ठेवेन. सत्य काय आहे ते त्यांना सांगू शकेल. निकलाही याबद्दल आधीपासून माहिती होते, परंतु त्याला आपल्या भावंडांना दुखवायचे नसल्यामुळे त्यानेही हे गुपित त्यांना सांगितले नाही.
सर्वातआधी फ्रँकला या चाचणीचे परिणाम कळाले. त्याचे खरे आई-वडील हे इटालियन आणि ब्रिटीश होते हे जाणून त्याला आश्चर्य वाटले. त्यांचं प्रोफाईल एकमोकांशी जुशत होती. त्यांचा डीएनए ५६ टक्के जुळत होता. फ्रँकला कळताच त्याने विक्कीला फोन केला. सुरुवातीला विक्कीला वाटलं की तो थट्टा करत आहे. पण, सत्य कळाल्यानंतर त्यांना धक्काच बसला. विक्की आणि फ्रँकने सांगितलं की त्यांना त्यांचे खरे पालक शोधायचे नाहीत.
[ad_2]
