[ad_1]
( प्रगत भारत । pragatbharat.com)
Soil Health Card: शेतकरी आपल्या शेतात नवनवीन प्रयोग करत आहेत. आधुनिक तंत्रज्ञानाच्या सहाय्यानं भरघोस उत्पन्न घेताना दिसत आहे. दरम्यान उत्पादन घेण्यापूर्वी जमिनीची योग्य ती मशागत शेतकरी करतात. शेतकरी बांधवांनी चांगल्या पीक उत्पादनासाठी त्यांच्या शेतातील मातीची चाचणी करुन घेणं आवश्यक आहे. त्यासाठी त्यांना सॉइल हेल्थ कार्ड म्हणजे मृदा आरोग्य कार्ड बनवावे लागते. हे कार्ड बनवण्याची नेमकी प्रक्रिया कशी आहे ते पाहुयात.
मृदा आरोग्य कार्डच्या माध्यमातून शेतकऱ्यांना चांगले उत्पादन
सरकार शेतकऱ्यांच्या फायद्यासाठी अनेक योजना राबवत आहे. शेतकरी पिकांचे चांगले उत्पादन घेऊ शकतात. त्यासाठी सॉईल हेल्थ कार्ड योजना राबविण्यात येत आहे. या योजनेंतर्गत शेतकरी बांधव त्यांच्या शेतातील माती परीक्षण करून अहवालाच्या आधारे शेती करतात. त्यामुळे त्यांचा खर्च कमी होतो. शिवाय उत्पादनही चांगले मिळते. शेतकऱ्यांच्या शेतातील माती तपासण्यासाठी प्रयोगशाळा तयार करण्यात आल्या आहेत. जिथे शास्त्रज्ञ मातीचे परीक्षण करुन त्यातील गुण-दोषांची यादी तयार करतात. या यादीमध्ये मातीशी संबंधित माहिती आणि योग्य सल्ला आहे. मृदा आरोग्य कार्ड अंतर्गत शेती करून शेतकऱ्यांना चांगले पीक उत्पादन मिळते. शिवाय जमिनीचा समतोलही कायम राहतो.
मृदा आरोग्य कार्ड काढण्यासाठी काय कराल?
मृदा आरोग्य कार्ड बनवण्यासाठी शेतकऱ्यांनी प्रथम अधिकृत वेबसाइट soilhealth.dac.gov.in वर जावे. त्यानंतर होम पेजवर आवश्यक माहिती भरून लॉगिन करा. आता पेज उघडल्यावर राज्य निवडा. जर तुम्ही पहिल्यांदा अर्ज करत असाल तर तुम्हाला Register New User चा पर्याय निवडावा लागेल. किसन भाई, अर्जात विचारलेले सर्व तपशील बरोबर टाका. यानंतर सबमिट बटणावर क्लिक करा. तुम्हाला काही अडचण आल्यास तुम्ही शेतकरी बांधव हेल्पलाइन क्रमांक 011-24305591 आणि 011-24305948 वर संपर्क साधू शकता. याशिवाय helpdesk-soil@gov.in वर ई-मेलही पाठवता येईल.
मृदा आरोग्य कार्ड काढण्याचे फायदे
या योजनेअंतर्गत कोणताही भारतीय शेतकरी त्याच्या शेतातील मातीची चाचणी घेऊ शकतो. या कार्डद्वारे शेतकऱ्यांना जमिनीत कोणत्या पोषक तत्वांची कमतरता आहे हे कळू शकते. तसेच किती पाणी वापरायचे आणि कोणते पीक घ्यायचे याचा त्यांना अधिक फायदा होईल. कार्ड बनवल्यानंतर शेतकऱ्याला मातीचे आरोग्य, उत्पादन क्षमता, जमिनीतील ओलावा पातळी, दर्जा आणि जमिनीतील कमकुवतपणा सुधारण्याच्या मार्गांची माहितीही दिली जाते.
महत्त्वाच्या बातम्या:
परीक्षणासाठी आता माती पोस्टाने पाठवा, सात दिवसांत मोबाईलवर मिळणार अहवाल
[ad_2]
