[ad_1]
( प्रगत भारत । pragatbharat.com)
गुजरातमध्ये विक्रम
उपराष्ट्रपती जगदीप धनखड मध्य प्रदेशातील जबलपूर शहरात एका योग कार्यक्रमात सहभागी झाले होते. योग हे जागतिक एकात्मतेचे प्रतीक असल्याचे सांगून, त्यांनी भारतीयांना आणि जगभरातील नागरिकांना आरोग्य शिस्त म्हणून अंगिकारण्याचा सल्ला दिला. गुजरातच्या सुरतमध्ये एकाच ठिकाणी एक लाखाहून अधिक लोकांनी एकत्र योग करून ‘नवीन गिनीज वर्ल्ड रेकॉर्ड’ स्थापित केल्याचा दावा गृह राज्यमंत्री हर्ष सांघवी यांनी बुधवारी केला.
‘विक्रांत’वर योगासने
संरक्षणमंत्री राजनाथसिंह यांनी भारताच्या पहिल्या स्वदेशी बनावटीची विमानवाहू युद्धनौका ‘आयएनएस विक्रांत’वर नौदलाच्या जवानांसह आंतरराष्ट्रीय योग दिनाच्या सोहळ्यात भाग घेतला. आंध्र प्रदेशचे राज्यपाल एस. अब्दुल नजीर यांनी राजभवनात योगासने केली, तर अरुणाचल प्रदेशचे राज्यपाल ले. जनरल (निवृत्त) केटी परनायक यांनी देखील योग कार्यक्रमात भाग घेतला आणि लोकांना त्यांच्या निरोगी जीवनशैलीचा नियमित भाग बनवण्याचा सल्ला दिला. गोव्यात जी-२० पर्यटन मंत्रिस्तरीय बैठकीसाठी जमलेल्या प्रतिनिधींनी राजभवनात विविध आसने आणि प्राणायामही केले. विरोधी पक्षातील काँग्रेसने भारताचे पहिले पंतप्रधान जवाहरलाल नेहरू यांची आठवण जागवली. योगाला लोकप्रिय करण्यात नेहरूंची भूमिका महत्त्वाची असून, त्यांनी योगाला राष्ट्रीय धोरणाचा भाग बनवल्याचे काँग्रेसने म्हटले आहे. काँग्रेसने नेहरूंची योगासने आणि शीर्षासन करतानाची छायाचित्रेही प्रसिद्ध केली.
शिक्षण आणखी सोपं होणार; देशात २०० नवे शैक्षणिक चॅनेल, पुण्यात शैक्षणिक कुंभ
सरन्यायाधीशही योगदिनात सहभागी
नवी दिल्ली : सरन्यायाधीश धनंजय चंद्रचूड आणि सर्वोच्च न्यायालयाच्या इतर न्यायाधीशांनी बुधवारी नवव्या आंतरराष्ट्रीय योग दिनानिमित्त येथील सर्वोच्च न्यायालयाच्या आवारात योगासने केली. सर्वोच्च न्यायालयाच्या नव्याने बांधलेल्या विस्तारित इमारत संकुलातील ‘योग आणि मनोरंजन सभागृह’ येथे आयोजित योग कार्यक्रमात सरन्यायाधीश आणि इतर न्यायाधीशांव्यतिरिक्त अधिकारी आणि कर्मचारीही सहभागी झाले होते.
[ad_2]
