[ad_1]
( प्रगत भारत । pragatbharat.com)
बदाम
बदाम हे प्रोटीन आणि हेल्दी फॅट्सचा एक महत्त्वाचा सोर्स आहे. बदाम खाल्ल्याने भूक पटकन कमी होते आणि पोट भरल्यासारखे राहाते. बदामामध्ये असणारे फायबर हे पचनक्रियेसाठी अत्यंत महत्त्वाचे मानले जाते.
तसंच ब्लड शुगर कमी करण्यासाठीही बदामाचा उपयोग होतो. अनेक ठिकाणी करण्यात आलेल्या अभ्यासानुसार, रोज ३-४ बदाम खाल्ल्याने वजन कमी करण्यासाठी उपयोग होतो आणि स्मरणशक्तीही चांगली राहण्यास मदत मिळते.
पिस्ता
प्रोटीन आणि हेल्दी स्नॅक्स म्हणून पिस्ता या ड्रायफ्रूट्सकडे नेहमी पाहिलं जातं. बाकीच्या ड्रायफूट्सच्या तुलनेत पिस्त्यामध्ये कमी कॅलरी असते. त्यामुळे वजन कमी करण्यासाठी संध्याकाळच्या वेळची भूक कमी करायची असेल तर पिस्त्याच्या समावेश करून घ्यावा. कॅलरीची शरीरातील मात्रा कमी करून रक्तातील साखरेचा स्तर कमी करण्यासाठीही पिस्ता फायदेशीर ठरतो.
(वाचा – गरोदरपणात डायबिटीस झाल्यास काय खावे आणि काय टाळावे, काय आहे Gestational diabetes)
काजू
काजू अत्यंत हेल्दी ड्रायफ्रूट असून जास्त प्रमाणात याचे सेवन कोलेस्ट्रॉलसाठी हानिकारक ठरू शकते. मात्र यातील मॅग्नेशियम हे प्रमाणात खाल्ल्यास, हाडांना मजबूत ठेऊन वजन कमी करण्यासाठी फायदेशीर ठरते. शरीराची सूज कमी करण्यास याचा फायदा मिळतो. साधारण २-३ काजू रोज खाणे सोयीचे ठरते.
(वाचा – विटामिन बी१२ ची कमतरता भरून काढतील ही फळं आणि भाज्या, वेळीच करा समावेश)
अक्रोड
ओमेगा – ३ फॅटी अ‍ॅसिडचे अधिक प्रमाण असणारे ड्रायफ्रूट म्हणजे अक्रोड. मेंदूच्या विकासासाठी अक्रोड उत्तम मानले जाते. यामध्ये प्रोटीन आणि फायबर अधिक प्रमाणात असते, जे भूक कमी करून भूकेवर नियंत्रण ठेवण्यास अधिक उपयुक्त ठरते.
अधिक काळासाठी पोट भरलेले राहाते. अभ्यासात सांगण्यात आल्यानुसार, अक्रोड खाल्ल्याने कमी कॅलरी पोटात जाते आणि कोलेस्ट्रॉल नियंत्रणात राहण्यास मदत मिळते, वजन वाढत नाही.
(वाचा – ब्रश केल्यानंतरही दिसत असतील पिवळे दात तर सकाळीच खा हा काळा पदार्थ, हास्याने लागेल लोकांना वेड)
खजूर
खजुरामध्ये फायबरचे अधिक प्रमाण असते. रोज २ खजूर रात्री पाण्यात भिजवून ठेवले आणि सकाळी उपाशीपोटी खाल्ल्यास वजन कमी होण्यास मदत मिळते. खजुरामध्ये जास्त प्रमाणात पोटॅशियम असून हृदयासाठी याचा चांगला उपयोग होतो. मात्र योग्य प्रमाणात याचे सेवन करावे.
(वाचा – ब्लड शुगर कमी करण्यासाठी अश्वगंधा वापरण्याच्या ५ पद्धती, डायबिटीस राहील कायम नियंत्रणात)
बेदाणे
बेदाणे हादेखील फायबरचा उत्तम सोर्स आहे. पचनक्रिया अधिक चांगली करण्यासाठी याचा उपयोग होतो. पचनक्रिया योग्य असेल तर वजनवाढ होत नाही. बेदाण्यात असणारे अँटीऑक्सिडंट हे शरीराचे आरोग्य चांगले राखण्यास मदत करते.
[ad_2]
