( प्रगत भारत । pragatbharat.com)
Bus Accident:रविवार सकाळची सुरुवात एका अपघाताच्या बातमीने होत आहे. झारखंडमधील गिरिडीहमध्ये मध्यरात्री एक मोठी दुर्घटना घडली आहे. प्रवाशांनी भरलेली आणि भरधाव वेगात असलेली एक बस अचानक नदीत पडली. या अपघातामध्ये आतापर्यंत 6 जणांचा मृत्यू झाल्याचे वृत्त समोर येत आहे. तर 20 हून अधिक प्रवासी जखमी झाले आहेत.
बस पडल्याची माहिती मिळताच जिल्हा प्रशासन घटनास्थळी पोहोचले असून मदतकार्य वेगाने सुरु आहे.. बचावकार्यानंतर जखमींना बाहेर काढून रुग्णालयात दाखल करण्यात आले आहे. जखमींवर जवळच्या रुग्णालयात उपचार सुरू आहेत.
झारखण्ड के गिरिडीह में रांची से गिरिडीह आ रही बस की बराकर नदी में दुर्घटनाग्रस्त होने का दुःखद समाचार मिला है। जिला प्रशासन और झामुमो नेताओं और कार्यकर्ताओं द्वारा बचाव कार्य किया जा रहा है।
— Hemant Soren (@HemantSorenJMM) August 5, 2023
दुर्घटनास्थळी सरकार आवश्यक ती कार्यवाही करत आहे. राज्य सरकार जखमींना सर्वतोपरी मदत करण्यास तयार असल्याचे झारखंडचे आरोग्य आणि आपत्ती व्यवस्थापन मंत्री बन्ना गुप्ता यांनी म्हटले आहे.
सूचना मिल रही है कि रांची से गिरिडीह आ रही बाबा सम्राट बस असंतुलित होकर पीरटांड़ बराकर पुल से नीचे गिरी हैं, राहत एवं बचाव का काम जारी है , जिले के वरिष्ठ अधिकारियों को निर्देश दिया हूँ कि राहत कार्य में कोई कोताही न हो, सबके सुरक्षित होने की कामना करता हूँ!
— Banna Gupta (@BannaGupta76) August 5, 2023
अपघात कसा झाला?
बसमधील अपघातानंतर अनेक प्रवासी अडकून पडले होते. काही लोक नदीत बुडाले मात्र त्यांना कसेबसे बाहेर काढण्यात आले. यामध्ये बसचे मोठे नुकसान झाले आहे. अपघातग्रस्त बस रांचीहून गिरिडीहच्या दिशेने जात होती. बस अचानक गिरिडीह-डुमरी रस्त्यावर आल्यानंतर चालकाचे नियंत्रण सुटले. बस रेलिंग तोडून 50 फूट खाली नदीत पडली.
अचानक बसमध्ये आरडाओरडा झाला. तेथून जाणाऱ्या लोकांनी पोलिसांना फोन केला, तर स्थानिक लोक बचावकार्यासाठी पुढे सरसावले. काही प्रवाशांचा नदीत बुडून मृत्यूही झाला आहे. लोकांवर उपचार केले जात आहेत.
