[ad_1]
( प्रगत भारत । pragatbharat.com)
खूप धोकादायक आहे लेप्टोस्पायरोसिस संक्रमण
सेंटर फॉर डिजीज कंट्रोल अँड प्रिवेंशनकडून लेप्टोस्पायरोसिस संसर्गाचे वर्णन अतिशय धोकादायक म्हणून करण्यात आले आहे. हा बॅक्टेरियल संसर्ग मनुष्य आणि प्राण्यांना लक्ष्य करतो व त्यामुळे ते आजारी पडू शकतात. त्यामुळे किडनी-लिव्हर निकामी होणे, मेंदूला सूज येणे, पाठीच्या कण्याला सूज येणे, श्वास घेण्यास त्रास होणे यांसारख्या समस्या होऊन मृत्यूही होऊ शकतो.
(वाचा :- पुरूषहो, डोक्यापासून पायापर्यंत सर्व बंद नसा खोलतात ही 5 फळे, हार्ट फेल ते लैंगिक समस्या कोणताच आजार होत नाही)
लोकांमधील लेप्टोस्पायरोसिस संक्रमणाची लक्षणे
- खूप जास्त ताप
- डोकेदुखी
- थंडी वाजणे
- स्नायूंमध्ये वेदना
- उलट्या होणे
- कावीळ होणे
- डोळे लाल होणे
- पोटदुखी
- जुलाब
- अंगावर पुरळ येणे
ही सर्व लक्षणे लेप्टोस्पायरोसिस संक्रमणाचे संकेत देतात.
(वाचा :- 10 Foods For Diabetes : हे 10 पदार्थ डायबिटीजसाठी अमृत, किलो किलोने खाल्ले तरी इंचभरही वाढणार नाही Blood Sugar)
दोनदा हल्ला करते हे संक्रमण
CDC म्हणते की, या संसर्गाचा प्रभाव 2-4 दिवस टिकतो. परंतु रुग्ण बरा झाल्यानंतरही हे संक्रमण पुन्हा हल्ला करू शकते, आणि दुसऱ्या वेळेस हा हल्ला खूप घातक ठरू शकतो. यावेळी यकृत आणि मूत्रपिंड निकामी होऊ शकतात.
(वाचा :- नाश्त्यात हे 10 पदार्थ खाता? डायबिटीज, ब्लड प्रेशर, हार्ट अटॅक व किडनी लिव्हर होतं बाद, एक चूक सर्व अवयव निकामी)
काय उपाययोजना कराव्यात?
लेप्टोस्पायरोसिस संक्रमणापासून बचाव करण्यासाठी तुम्ही काही गोष्टी करायला हव्यात. जसे की –
- पुराच्या पाण्याच्या संपर्कात येऊ नका
- डायबिटीज आणि किडनीचे आजार असलेल्या रुग्णांनी अधिक काळजी घ्यावी
- तुमच्या अंगावर काही जखमा असल्यास त्या झाकून ठेवा आणि स्वच्छ पाण्याने धुवा
- तुम्ही दूषित पाण्याच्या किंवा चिखलाच्या संपर्कात आल्यास तुमचे शरीर साबणाने आणि पाण्याने चांगले धुवा
- पुराच्या पाण्याने दूषित झालेले अन्नपदार्थ किंवा काहीही खाऊ नका
- पाणी उकळूनच प्या.
(वाचा :- Teeth Whitening Remedy : दातांवरचा पिवळा घाणेरडा थर होईल झटक्यात साफ, हि-यांसारखी चमकेल बत्तीशी, करा हे 4 उपाय)
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.
[ad_2]
