[ad_1]
( प्रगत भारत । pragatbharat.com)
कॅलरीज जाळण्यास होते मदत
वजन कमी करणे म्हणजे शरीरातील कॅलरीज कमी करणे. अशावेळी धावणे अतिशय महत्वाचे ठरते. धावण्यामुळे पोटातील कॅलरीज जाळण्यास मदत होते. त्यामुळे लठ्ठपणा कमी करण्यासाठी धावणे हा उत्तम पर्याय आहे.
हार्मोन्सवर पडतो फरक
धावण्यामुळे फक्त कॅलरीज बर्न होतात असं नाही. धावण्यामुळे तुमच्या संपूर्ण शरीरावर परिणाम होतो. भूक लागणारे जे हार्मोन्स असतात त्यावर धावण्याचा खूप मोठा फरक पडतो. अभ्यासानुसार, धावण्यामुळे भूक लागण्याचे किंवा खाण्याची लालसा होणारे हार्मोन्स कमी होतात. आणि पोट भरल्याची भावना निर्माण करणारे हार्मोन्स वाढतात.
बेली फॅट टार्गेटवर
ओटी पोट, कंबरेवर अक्षरशः चरबीचे टायर्स तयार होतात. या बेली फॅटला जाळणं हा खूप मोठा टास्क असतो. अशावेळी धावण्यामुळे थेट परिणाम हा बेली फॅटवर होतो. नियमित धावण्यामुळे तुमच्या ओटीपोटावरची चरबी जाळण्यास मदत होते. यानुसार तुमचा बेली फॅट किंवा पोटावरील घेर हमखास कमी होतो यात शंक नाही.
धावण्यामुळे किती कॅलरीज होतात बर्न
दररोज ३० मिनिटे धावण्यामुळे २०० ते ५०० कॅलरीज बर्न होतात. त्यामुळे जर एखाद्या लठ्ठ व्यक्तीला आपलं वजन कमी करायचं असेल तर धावणे हा उत्तम पर्याय ठरू शकतो.
अशी करा सुरूवात
धावण्याअगोदर वॉर्म-अप करणे गरजेचे आहे. तसेच शरीर स्ट्रेच करूनच धावायला सुरूवात करा. त्यानंतर सुरूवातीला ५ मिनिटे चाला. नंतर २० मिनिटे धावणे चालणे असे स्वरुप असू द्या. त्यानंतर ५ मिनिटांचा ब्रेक घेणे आवश्यक आहे.
चयापचय सुधारते
बर्न केलेल्या कॅलरीज व्यतिरिक्त, धावणे आपल्या चयापचय प्रक्रियेस गती देण्यास देखील मदत करू शकते, ज्यामुळे दीर्घकालीन निरोगी वजन राखणे सोपे होते. शिवाय, ते हृदय व रक्तवाहिन्यासंबंधी आरोग्य सुधारते, दररोजच्या तणावासाठी आउटलेट म्हणून कार्य करते आणि मूड उंचावते.
धावण्याकरता पोश्चर महत्वाची
धावताना तुमचे पोश्चर बरोबर असणे महत्वाचे असते. अन्यथा तुमचे नुकसान होऊ शकते. धावताना तुमचे शरीर सरळ असावे आणि तुमचे डोळे समोरच्या दिशेने असावेत. धावताना, नजर खाली किंवा वर नसावी.
जमिनीवर पाय आपटत धावू नये हेही लक्षात ठेवा. कारण त्यामुळे तुमच्या सांध्यांमध्ये वेदना होऊ शकतात.
आहार महत्वाचा
जर तुम्ही रोज धावत असाल तर तुमच्या आहाराकडे विशेष लक्ष द्या. कारण धावण्यासोबतच पोषक तत्वांचा आहारात समावेश केला नाही तर वजन कमी करता येत नाही.
याशिवाय जेव्हा शरीराला आवश्यक पोषण मिळत नाही, तेव्हा धावण्याचा फायदाही मिळत नाही. धावण्याआधी, आहार तज्ज्ञांकडून तुमच्यासाठी तयार केलेला आहार चार्ट घ्यायला विसरू नका.
तुमच्या आहारात आवश्यक प्रमाणात प्रथिने, कॅल्शियम आणि फायबर असणे आवश्यक आहे. आपण दररोज धावत असल्यास दुग्धजन्य पदार्थांमध्ये दूध आणि चीज देखील समाविष्ट असू शकते.
योग्य शूज आणि कपडे निवडा
धावण्याआधी योग्य शूज निवडा कारण चुकीचे शूज घालून धावल्याने तुमच्या स्नायूंना इजा होऊ शकते. अनेक वेळा महिला चप्पल घालून धावू लागतात, हे अजिबात करू नका. कारण यामुळे पायाची योग्य पकड होत नाही आणि पडण्याचा धोका असतो.
तुमचे शूज जितके हलके असतील तितक्या वेगाने तुम्ही धावता. धावताना हलके आणि आरामदायी कपडे घाला जेणेकरून हवा तुमच्या शरीरात पोहोचेल.
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.
[ad_2]
