[ad_1]
( प्रगत भारत । pragatbharat.com)
वृद्धत्वाला शाप
आता ४० पासून ते ६० पर्यंत वय हे फक्त सांकेतिक अंक असून साठीनंतर पण लोक आयुष्य सक्रियतेने जगत आहते. पण स्पायनल स्टीनोसिसमुळे होणार्‍या कंबरेच्या आणि पायाच्या असह्य वेदना तसंच त्यातून येणारी अकार्यक्षमता ही वृद्धत्वाचा शाप ठरत आहे. यामुळे अनेकांना जगणं कठीण ठरतंय.
लंबर कॅनॉल स्टीनोसिस म्हणजे नेमकं काय?
पाठीचा कण्याची मूळरचना ही एखादया कॅनल किंवा नळीसारखी असते, ज्यात मज्जातंतू सुरिक्षत राहून मेंदूचे संकेत संपूर्ण शरीरात पोहोचवतात. पाठीचा कणा हा मणक्यांचा हाडांच्या मालिकेद्वारे बनलेला असतो. या मालिकेचा प्रत्येक भाग हा दोन मणके आणि त्यामधील धक्का शोषक चकती (डिस्क) ने तयार झालेला आहे.
जीर्णत्वामुळे ही चकती उसवते ( स्लीप डिस्क ) व त्याच बरोबर दोन हाडांमधील अंतर कमी होते. यामुळे पाठीच्या कण्याच्या आतील जागा अरुंद होते आणि मज्जातंतू सूज येते. परिणामी मेंदूकडून देण्यात येणाऱ्या सिग्नल्स प्रवाहात अडथळा निर्माण होतो.
(वाचा – १४२ किलोच्या दक्ष बिलवलने घटवले ८ महिन्यात २४ किलो वजन, पॉवर लिफ्टिंगमध्ये मिळवले मेडल)
लंबर कॅनॉल स्टीनोसिस लक्षणे
- पायात बिधरता जाणवणे किंवा मुंग्या येणे
- तळव्यांची जळजळ होणे
- पोटर्‍या व पावले जड वाटणे
- कंबरेत व पायात वेदना होणे
- पोटरीत गोळे येणे
- पायात गोळे आल्याने झोपमोड होणे
- पावलात व पायात सुया टोचल्या सारखे वाटणे
- कंबरेत दुखणे किंवा जळजळणे
- चालणे अवघड होणे
- पायातली ताकद कमी वाटणे
(वाचा – हाडाचा सापळा झाला असेल तर खा दुधासह हे शाकाहारी पदार्थ, १ महिन्यात व्हाल गुबगुबीत)
उतारवयातील आजार
हा मुख्यतः उतारवयात जाणवणारा आजार आहे. परंतु, पाठीचा कणा जन्मतःच अरूंद असणाऱ्या लोकांमध्ये कमी वयात ही समस्या दिसून येते.
मज्जातंतू चिमटल्यामुळे किंवा त्यांना सूज आल्याने पायाला मुंग्या जेणं, तळव्यांची जळजळ होणं, पोटऱ्या जड वाटणे, कंबरेत वेदना होणे, पायात सुया टोचल्यासारखे वाटणे, चालता न येणं अशी लक्षणं दिसून येतात. अशी लक्षणं दिसत असल्यास तातडीने उपचार घेणं गरजेचं आहे. कारण नसा अचानक तीव्र आकुंचन पावत असल्याने यामुळे पायाची ताकद कमी होऊ शकते.
(वाचा – जाडसर उशी घेऊन झोपायची आहे का सवय? वेळीच सोडा नाहीतर व्हाल या त्रासाचे शिकार)
अन्य आजारांमुळे त्रास
वाढत्या वयात उच्च रक्तदाब, मधुमेह, हृदय, फुफ्फुस आणि मूत्रपिंडाच्या समस्या आणि लठ्ठपणा यासारख्या इतर समस्या देखील असतात. ज्यामुळे मोठ्या शस्त्रक्रिया आणि ऍनेस्थेसिया देणे कठीण होते.
हाडं ठिसूळ होत असल्याने शस्त्रक्रिया करणं अशा स्थितीत अवघड असतं. त्यामुळे मणक्याची शस्त्रक्रिया दुर्बिणीद्वारे केली जाते. यामुळे पाठीच्या मज्जातंतूंना होणारे नुकसान टाळले जाते. याशिवाय, जंतुसंसर्ग व रक्तस्त्राव कमी होतो. या शस्त्रक्रियेमुळे रूग्ण लवकर बरा होऊन घरी जाऊ शकतो.
[ad_2]
