[ad_1]
( प्रगत भारत । pragatbharat.com)
बालासन आणि त्याचे फायदे
शिल्पा शेट्टी रोज बालासन करत असून यामुळे शरीराची हाडं आणि सांधे मजबूत राहण्यास मदत मिळते. तसंच कंबर आणि मानेतील त्रास कमी करण्यासाठी या योगासनाचा उपयोग होतो. तसंच हे आसन तुम्ही सकाळी उठल्यावर उपाशीपोटी करावे, ज्यामुळे अधिक लाभ मिळतो.
बालासन म्हणजे चाईल्ड पोझ. योगशास्त्रातील हे एक विशेष आसन असून लहान मुलांसारखी बसण्याची मुद्रा यामध्ये करावी लागते. तणाव आणि चिंता यामुळे दूर होतात आणि या आसनामुळे पोटाला आणि मणक्याला आराम मिळतो.
मांसपेशींसाठी नौकासन
आपल्या फिटनेससाठी शिल्पा शेट्टी नियमित नौकासनही करते. यामुळे पोटाच्या मांसपेशी मजबूत होऊन पचनसंस्था सुधारण्यास मदत मिळते. तसंच हिप्सना अधिक चांगला आकार मिळतो. दररोज नौकासन केल्यामुळे पोट आणि आजूबाजूची चरबी कमी होण्यास मदत मिळते. यामुळे शरीरावर चरबीचे थर जमत नाहीत.
वजन नियंत्रणात ठेवण्यासाठी आणि अंगावर चरबी जमू न देण्यासाठी शिल्पा शेट्टी या योगासनाचा नियमित अभ्यास करते. दिवसभरात किमान १५ मिनिट्स हे आसन केल्यास लाभ मिळतो. यामुळे हॅमस्ट्रिंग क्रॅम्प्सपासूनही सुटका मिळते.
लवचिकतेसाठी धनुरासन
शिल्पाला नेहमी फिट पाहिलं आहे. शिल्पा अत्यंत सुंदर आणि निपुण डान्सर असून ही लवचिकता तिला योगासनामुळेच मिळते. यासाठी धनुरासनाचा उपयोग ती करते. धनुरासन केल्यामुळे पाठीचा त्रास निघून जातो आणि शरीर लवचिक होऊन कंबरही मजबूत होते.
शरीराची पचनक्रिया मजूबत होऊन अपचनाचा त्रास होत नाही. तसंच दिवसभरात आंबट ढेकर येत असतील अथवा पोटदुखीशी संबंधित आजार असतील तर याचा फायदा घ्यावा. शिल्पाचे शरीर यामुळेच अधिक लवचिक, तंदुरूस्त आणि आकर्षक दिसून येते.
मानसिक शांततेसाठी भुजंगासन
ताणतणावामुळे अनेकदा वजन वाढणे अथवा व्यवस्थित झोप न होणे त्रास सुरू होतात. मात्र भुजंगासन केल्याने कितीही संकटात असल्यानंतरही मानसिक शांतता राहाते आणि आतडे निरोगी राहण्यास याची मदत मिळते.
याशिवाय शारीरिक संतुलन निर्माण करून पाठीचा कणा, हात, खांंदे आणि मांड्या मजबूत करण्यासही याची मदत मिळते. शिल्पा शेट्टीकडून पाहून नक्कीच याची कल्पना येते.
रोज घाला सूर्यनमस्कार
सूर्यनमस्काराला योगामध्ये अनन्यसाधारण महत्त्व आहे. सूर्य नमस्कार केल्यामुळे संपूर्ण शरीराला व्यायाम होतो आणि प्रत्येक अंगाला आरामही मिळतो. सर्व आसानांचा मिळून हा सर्वोत्तम योग आहे. रोज सूर्यनमस्कार घालणे हे फिटनेससाठी योग्य ठरते.
शिल्पा शेट्टीदेखील रोज सूर्यनमस्कार घालते आणि त्यामुळेच ती अत्यंत फिट असून तिच्या चेहऱ्यावरही अत्यंत ग्लो दिसून येतो.
[ad_2]
