[ad_1]
( प्रगत भारत । pragatbharat.com)
तरुणांमध्ये हृदयविकाराचा झटका वाढण्याची कारणे
क्लीव्हलँड क्लिनिकच्या रिपोर्टनुसार, तरुणांमध्ये हार्ट अटॅकचे प्रमाण वाढण्याची अनेक कारणे आहेत, त्यातील सर्वात मोठे कारण म्हणजे चुकीची आणि अनहेल्दी जीवनशैली होय. इतर लक्षणं पुढीलप्रमाणे :
- धुम्रपान
- मद्यपान
- वाढलेला तणाव आणि चिंता
- टाइप 2 डायबिटीज
- आहाराच्या चुकीच्या सवयी
- हाय कोलेस्टरॉल
- हाय ब्लड प्रेशर
यांसारख्या काही घटकांमुळे हृदयविकाराचा झटका येण्याची शक्यता वाढते.
(वाचा :- या 2 आजारांनी Mahabharat मधील शकुनी मामाचे निधन, ही तब्बल 21 लक्षणं सायलेंट किलर,थांगपत्ता न लागता होतो मृत्यू)
हृदयविकाराचा सायलेंट झटका
हार्ट अटॅक अचानक आणि काही लक्षणांसह देखील येऊ शकतो. एक असतो सायलेंट हृदयविकाराचा झटका, जो कोणताही इशारा देत नाही आणि अचानक येऊन एखाद्या व्यक्तीचा जीव घेतो. हृदयविकाराचा झटका जेव्हा येतो तेव्हा सर्वात आधी छातीत दुखायला लागते. पण सायलेंट हृदयविकाराचा झटका कोणत्याही लक्षणांशिवाय येऊ शकतो. हृदयाला कार्य करण्यासाठी ऑक्सिजनयुक्त रक्ताची आवश्यकता असते. जेव्हा रक्तवाहिनीमध्ये प्लेक जमा होतो तेव्हा रक्तप्रवाह मंदावतो किंवा थांबतो. हृदयाकडे जाणारा रक्ताचा प्रवाह जितका मंद होईल तितके जास्त नुकसान होते. सायलेंट हृदयविकाराचा झटका लक्षात येत नाही कारण तो हळूहळू हृदयाला पोखरत असतो.
(वाचा :- Diabetes Juice: किडनी खराब होण्याआधी रक्तातील साखर मुळापासून उपटेल हा देसी उपाय, प्या इंसुलिनने भरलेले हे 5 रस)
या लक्षणांकडे करू नका अजिबात दुर्लक्ष
वेळेवर वैद्यकीय मदत मिळाल्यास हृदयविकारावर उपचार करता येतात. अशी अनेक लक्षणे आहेत जी हृदयविकाराच्या झटक्यापूर्वी जाणवतात. अर्थात, यापैकी काही लक्षणे इतर समस्यांसारखी असू शकतात, परंतु आपण त्याकडे दुर्लक्ष करू नये. लक्षणे पुढीलप्रमाणे :
- छातीत दुखणे
- अस्वस्थता वाटणे
- अशक्तपणा येणे
- जबडा, मान आणि पाठीत वेदना होणे
- खांदा दुखणे
- धाप लागणे
अशी लक्षणे अचानक दिसू लागल्यास डॉक्टरांचा सल्ला घ्यावा.
(वाचा :- Natural Cold Drink : बॉडी फ्रीजसारखी थंड ठेवून उष्माघात अन् डिहायड्रेशनपासून वाचवतं हे आयुर्वेदिक कोल्ड ड्रिंक)
महिलांमध्ये दिसणारी हार्ट अटॅकची लक्षणे
वर नमूद केलेली लक्षणे सामान्यतः सर्व व्यक्तींमध्येच दिसतात पण अशी काही लक्षणे आहे जी विशेषतः स्त्रियांमध्येच दिसतात. महिलांमध्ये दिसून येणाऱ्या लक्षणांमध्ये मळमळ, उलट्या, थकवा, पोटदुखी यांचा समावेश होतो.
(वाचा :- इंग्लिश टॉयलेट वापरणा-यांचे पोट कधीच होत नाही साफ, होतो बद्धकोष्ठता व मुळव्याधाचा त्रास, सतत खात राहा ही गोष्ट)
टेस्ट करून जाणून घेऊ शकता हृदयाची स्थिती
हार्ट अटॅक येण्याचे प्रमाण दिवसेंदिवस वाढत आहे. मेंदू आणि हृदयाच्या मज्जातंतूंमध्ये अडथळे निर्माण झाल्यामुळे अशी जीवघेणी परिस्थिती निर्माण होते. जर तुम्हाला तुमच्या हृदयाची स्थिती जाणून घ्यायची असेल किंवा तुम्ही हृदयविकाराने त्रस्त असाल तर तुम्ही पुढे सांगितलेल्या चाचण्या वेळोवेळी करून घ्याव्यात.
- ईसीजी किंवा ईकेजी
- स्ट्रेस टेस्ट
- इकोकार्डियोग्राफी
- कार्डियाक कॅथेटेरायझेशन
- रक्त तपासणी
- सीटी स्कॅन किंवा एमआरआय
(वाचा :- Belly Fat : हा पदार्थ पोटावर जमा चरबी एका झटक्यात लोण्यासारखी वितळवतो, पोट जातं झटपट आत, या वेळेला करा हा उपाय)
या टिप्स करा फॉलो
तुम्हाला जर हृदय विकारांपासून दूर राहायचे असेल आणि स्वत:चा जीव वाचवायचा असेल तर काही टिप्स नक्की फॉलो करा.
- धूम्रपान करू नका.
- दररोज किमान 30 मिनिटे शारीरिक हालचाल करा.
- ताजी फळे आणि भाज्यांचे सेवन करा.
- कमी चरबीयुक्त किंवा चरबी मुक्त अन्नपदार्थ खा.
- संपूर्ण धान्याचे सेवन करा.
- आहारात हेल्दी फॅट्सचा समावेश करा.
- जास्त मीठ-साखर खाऊ नका.
- प्रक्रिया केलेले अन्न आणि अल्कोहोलपासून यांपासून दूर रहा.
(वाचा :- Papaya Side Effects: पपईसोबत हा पदार्थ खाताक्षणी बनतं भयंकर विष, रक्ताचं बनतं पार पाणी, होतात रक्ताच्या उलट्या)
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.
[ad_2]
