[ad_1]
( प्रगत भारत । pragatbharat.com)
कोलेस्ट्रॉल वेगाने होईल कमी
रोज ३० मिनिट्स नियमित चालल्याने अथवा ब्रिस्क वॉक केल्याने कॉलेस्ट्रॉलच्या रूग्णांना फायदा मिळतो. अमेरिकन हार्ट असोसिएशनने दिलेल्या रिपोर्टनुसार, रोज वॉकिंग केल्यामुळे, कोलेस्ट्रॉल वेगाने कमी होण्यास मदत मिळते. व्यायाम केल्याने कोलेस्ट्रॉलच्या स्तराची पातळी कमी होते. नियमित ब्रिस्क वॉक केल्याने हृदयरोगाचा धोकाही कमी होतो.
ब्लड प्रेशरपासून मिळते सुटका
New York Times ने दिलेल्या माहितीनुसार, दिवसातून ३ वेळा साधारण दहा मिनिट्स चालण्याचा व्यायाम केल्यामुळे ब्लड प्रेशर नियंत्रणात येण्यास सोपे होते. चालण्यामुळे ब्लड वेसल्समधील स्टिफनेस दूर होण्यास मदत मिळते आणि रक्तप्रवाह सहजपणाने चांगला होण्यास फायदा मिळतो. यामुळे रक्तदाब नियंत्रणात येतो आणि रक्तप्रवाह करणाऱ्या नसांना कोणताही त्रास होत नाही.
(वाचा – ६० व्या वर्षीही दिसाल तरूण आणि आकर्षक, आरोग्यासाठी करा फक्त ही २ कामं)
वजन कमी करण्यास फायदेशीर
रोज चालल्यामुळे शरीरातील कॅलरी जाळण्यास मदत मिळते. कॅलरी बर्न झाली तर वजन आपोआप कमी होते. मात्र तुम्ही किती चालत आहात आणि योग्य पद्धतीने चालत आहात की नाही यावर वजन कमी होणे अवलंबून आहे. चालण्याचा वेग अधिक ठेवल्यास, वजन त्वरीत कमी होण्यास मदत मिळते. कॅलरी कॅलक्युलेटरच्या माध्यामातून तुम्ही यावर लक्ष ठेऊ शकता.
(वाचा – परफेक्ट फिगरसाठी मसाबा गुप्ता खाते या पदार्थाचं धिरडं, जाणून जबरदस्त फायदे)
डायबिटीसपासून सुटका
जेवल्यानंतर थोडा वेळा चालल्यास, तुमच्या रक्तातील साखरेची पातळी कमी होते. अमेरिकन डायबिटीस असोसिएशनने केलेल्या अभ्यासानुसार, दिवसातून ३ वेळा ब्रेकफास्ट, दुपारचे जेवण आणि रात्रीचे जेवण खाल्ल्यानंतर साधारण १५ ते ३० मिनिट्स चालण्याचा व्यायाम करावा. यासाठी वेगाने चालण्याची गरज नाही.
रक्तातील साखरेचा स्तर कमी करण्यासाठी याचा उपयोग होतो. जेवल्यानंतर काही वेळ चालणे हे तुम्ही तुमच्या नियमित व्यायामात समाविष्ट करून घ्या. यामुळे डायबिटीससारख्या आजारापासून तुम्ही दूर राहू शकता.
(वाचा – १४२ किलोच्या दक्ष बिलवालने घटवले ८ महिन्यात २४ किलो वजन, पॉवर लिफ्टिंगमध्ये मिळवले मेडल)
गुडघ्यातील त्रासापासून सुटका
नियमित स्वरूपात वॉकिंग केल्याने तुमच्या गुडघ्यातील दुखणे आणि अन्य सांधेदुखीची समस्या कमी होण्यास फायदा होईल. चालल्यामुळे सांध्यांना आधार देणाऱ्या मांसातील सांधण मजबूत होते. तसंच ज्या व्यक्तींना सांधेदुखीचा त्रास आहे त्यांनी किमान अर्धा तास दिवसातून चालावे.
ज्यामुळे सांधे आखडत नाहीत आणि दुखणे कमी व्हायला मदत मिळते. आठवड्यातून ७-८ किलोमीटर चालल्यामुळे गुडघ्यातील त्रासापासून सुटका मिळण्यास मदत मिळते.
टीप – हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा
[ad_2]
