[ad_1]
( प्रगत भारत । pragatbharat.com)
व्यायाम का गरजेचा
रोज किमान चालण्याचा व्यायाम तरी शरीराला मिळणं गरजेचं आहे. व्यायाम नसेल तर खाल्लेले अन्न पचत नाही आणि मग ते शरीरात साचून चरबी वाढते आणि वजन वाढून आपण अधिक बेढब दिसू लागतो. त्याहीपेक्षा यामुळे अनेक आजारांनाही सामोरं जावं लागतं. त्यामुळे नियमित वेळ काढून स्वतःसाठी व्यायाम करणं अत्यंत गरजेचं आहे.
लेग रेज एक्सरसाईज
Leg Raise Exercise: लेग रेज हा पायांच्या मजबूतीसाठी करण्यात येणारा व्यायाम आहे. याशिवाय याचा नियमित सराव केल्यास, पोटाची चरबी विरघळते. जेव्हा तुम्ही पाय वर घेता तेव्हा पोटाच्या मांसपेशीवर तणाव येतो आणि वेगाने पोटावरील चरबी कमी होण्यास मदत मिळते.
- लेग रेज करण्यासाठी तुम्ही बेडवर सरळ झोपा
- त्यानंतर पाय जवळ घ्या आणि आकाशाच्या दिशेने वर घ्या. पाय वर घेतल्यावर ४५ डिग्री अँगलवर काही वेळ तसेच ठेवा
- त्यानंतर ६० डिग्री अँगल करा आणि मग पुन्हा होल्ड करा
- या स्थितीत तुम्ही साधारण २-३ मिनिट्स तसंच राहा
- हळूहळू तुम्ही ५ ते १५ मिनिट्स असा कालावधी या व्यायामाचा वाढवू शकता
या व्यायामामुळे पोटाची चरबी १ महिन्यात कमी होऊन तुमचे पोट सपाट होऊ शकते. यासह खाण्यावरही नियंत्रण ठेवा.
(वाचा – महिन्याभरात १० किलो वजन कमी करण्यासाठी किती चालणे आवश्यक, लठ्ठपणासाठी तज्ज्ञांचे अचूक गणित)
विंडशिल्ड वायपर
Windshield Wipers: विंडशील्ड वायपर या व्यायामाच्या नियमित सरावाने आपल्या पायावर आणि मांड्यावरील चरबी घटविण्यास मदत मिळते. याशिवाय कंबरेवर साचलेली अतिरिक्त चरबीदेखील घटते.
- हा व्यायाम करण्यासाठी तुम्ही बेडवर झोपा
- त्यानंतर दोन्ही पाय ९० डिग्री अँगलवर उचला
- गाडीच्या वायपरप्रमाणे दोन्ही पाय एकदा उजवीकडे आणि एकदा डावीकडे हलवा
- साधारण २ मिनिट्स असा व्यायाम करा आणि कमीत कमी असे ८ ते १० वेळा करा
- तुम्ही हा व्यायाम अगदी सहजपणे करू शकता. तसंच याचा फायदा तुम्हाला त्वरीत काही दिवसातच दिसून येईल
- हा व्यायाम करताना कंबरेत त्रास होणार नाही याची काळजी घ्या. हवं तर आधी नीट व्हिडिओ पाहा आणि मग हा व्यायाम करा.
(वाचा – २०६ हाडांंना मजूबती मिळण्यासाठी करा या धान्याचा नियमित वापर, रक्तदाब आणि डायबिटीसही येईल नियंत्रणात)
क्रंचेस
Crunches: क्रंचेस केल्याने कोअर बॉडीमध्ये मजबूती येते आणि शरीराच्या वरच्या भागातील चरबी कमी करण्यास मदत मिळते. याचा तुम्ही नियमित सराव केल्यास पोट सपाट होण्यापासून कोणीच रोखू शकणार नाही.
- बेडवर सरळ झोपा आणि आपले हात डोक्यामागे ठेवा
- आपले पाय ४५ डिग्रीवर घ्या आणि शरीराचा वरचा भाग अर्धा वर उचलाकाही वेळ असंच होल्ड करा आणि मग रिलॅक्स व्हा
- सुरूवातीला १ ते २ मिनिट्स तुम्ही असं करा
- आठवडाभरात तुम्ही याचा कालावधी वाढवा
- यामुळे लटकलेल्या पोटाची चरबी कमी होते आणि तुम्हाला फिट राहण्यास मदत मिळते.
(वाचा – उपमुख्यमंत्री देवेंद्र फडणवीसांनी कसे केले होते ३ महिन्यात १८ किलो वजन कमी, मेटाबॉलिक ट्रिटमेंट म्हणजे काय)
व्यायाम करताना काय काळजी घ्यावी
तुम्ही जरी घरच्या घरी बेडवर व्यायाम करणार असाल तरीही आजूबाजूला कोणालाही त्रास होऊ नये याची काळजी घ्या. तसंच सर्वात पहिल्यांदा व्यायाम सुरू करणार असाल तेव्हा कोणाच्या तरी मार्गदर्शनाखालीच व्यायामाला सुरूवात करा. त्यानंतर तुम्ही स्वतः व्यायाम करू शकता. कंबर दुखेल असा कोणताही सराव करू नका.
संदर्भ
https://www.healthline.com/health/exercises-you-can-do-from-bed
https://www.livestrong.com/article/107732-exercises-before-bed-burn-belly/
[ad_2]
