[ad_1]
( प्रगत भारत । pragatbharat.com)
कडिपत्त्याचे आरोग्यासाठी लाभ
कडिपत्त्यामध्ये विटामिन ए, विटामिन सी, पोटॅशियम, कॅल्शियम, फायबर, तांबे, लोह आणि अनेक पोषक तत्व आढळतात. यातील ही पोषक तत्व वजन कमी करण्यासाठी, डायबिटीस कमी करण्यासाठी आणि आतड्यांची काळजी घेण्यासाठी फायदेशीर ठरतात. याशिवाय कोलेस्ट्रॉल नियंत्रणात राहण्यासाठी कडिपत्ता लाभदायक ठरतो. याशिवाय लोण्यासारखी चरबी वितळविण्यासही मदत करतो.
कोलेस्ट्रॉलशी लढा देण्यास कडिपत्ता कसा फायदेशीर?
अनेक विशेषतज्ज्ञ सांगतात की, उच्च कोलेस्ट्रॉल स्तरसारखा धोका हृदयरोग वाढण्यास बढावा देतात. आपल्या आहारात कढीपत्ता समाविष्ट करून घेतल्यास, उच्च कोलेस्ट्रॉल आणि ट्रायग्लिसराईडचा स्तर कमी होण्यास मदत मिळते, ज्यामुळे हृदसंबंधित त्रासाची जोखीम कमी होते.
अध्ययानानुसार प्रयोग
नॅशनल लायब्ररी ऑफ मेडिसिन आणि Worldscientific.com ने केलेल्या अध्ययनानुसार, कडिपत्ता अर्थात मुर्रया कोएनिगीचा काढा हे रक्तातील कोलेस्ट्रॉल आणि रक्तातील साखरेचा स्तर कमी करण्यास अत्यंत उपयुक्त ठरतो.
याचा प्रयोग डायबिटीक उंदरांवर करण्यात आला. शोधानुसार, उंदरांना १० दिवस सतत कडिपत्त्याचा अर्क असणारे इंट्रापेरिटोनियल इंजेक्शन देण्यात आले. त्यानंतर कडिपत्त्याच्या या काढ्यामुळे रक्तातील कोलेस्ट्रॉल आणि साखरेचा स्तर कमी झाल्याचे निदर्शनास आले.
कसा बनवाल कढीपत्ता काढा
कढीपत्त्याचा काढा बनवणे अत्यंत सोपे आहे. तुम्हालाही रक्तातील बॅड कोलेस्ट्रॉल काढून टाकायला हवे असेल तर याचा उपयोग करून घ्या.
एका टी पॅनमध्ये २०० ml पाणी घ्या आणि त्यात ८-१० कडिपत्त्याची पाने घालून उकळवा
- पाणी उकळून अर्धे झाल्यावर गॅस बंद करा
- पाणी ग्लासात वा कपात गाळून घ्या
- तुम्ही हा काढा असाच पिऊ शकता अथवा यामध्ये मध आणि लिंबाचा रस मिक्स करूनही तुम्ही याचे सेवन करू शकता
- याशिवाय तुम्ही कडिपत्त्याचा उपयोग पोहे, उपमा, भाजी, आमटी यामध्येही करू शकता आणि अनेक आजारांपासून दूर राहू शकता
[ad_2]
