[ad_1]
( प्रगत भारत । pragatbharat.com)
लठ्ठपणाने त्रस्त
दक्षच्या म्हणण्यानुसार Childhood Obesity मुळे त्रस्त होता. जाड व्यक्तीला पाहिल्यावर असं वाटतं की, हा माणूस अधिक खात असल्याने जाडा झालाय. मात्र असं अजिबात नाही. बसून अधिक काळ काम केल्याने दक्षचे वजन वाढले होते.
शाळा, कोचिंग आणि होमवर्क यामध्ये जास्तीत जास्त घालवल्याने दक्षचे वजन वाढू लागले आणि शाळेच्या अभ्यासाच्या ताणात खेळावरील लक्ष कमी झाले. त्यामुळे १८ व्या वर्षी त्याचे वजन १४२ किलो इतके झाले.
लठ्ठपणामुळे अनेक आजार
Side Effects Of Obesity – कमी वयात दक्षचे वजन अधिक वाढल्याने त्याला खूपच शारीरिक समस्या येऊ लागल्या. लवकर थकणे, खेळात मन न लागणे, थोडं चालल्यानंतर दम लागणे, अनिद्रेची समस्या, दिवसभर उत्साह नसणे, थोडं चालल्यानंतरही अधिक वजनामुळे पाय सुजणे अशा समस्या लठ्ठपणामुळे उद्धवल्या आणि याशिवाय त्याला डायबिटीसची लक्षणेही इतक्या लहान वयात जाणवायला लागली. लठ्ठपणामुळे प्रत्येक जण वेगळ्या दृष्टीने पाहू लागला होता.
(वाचा – पावसाळ्यात मुलांना आजारांपासून ठेवा असे दूर, या टिप्सचा करा अवलंब)
वजन घटविण्याचा निर्णय
अनेक आजारांनी ग्रस्त झाल्यामुळे दक्षने वजन कमी करण्याचा निर्णय घेतला. वेट लॉस प्रवासाची सुरूवात दक्षने चालण्याने केली. रोज सकाळी अर्धा तास चालण्याने सुरूवात करत त्याने आठवड्यात ही वेळ १ तासावर नेली.
वेग वाढल्यावर त्याने जॉगिंग सुरू केले आणि पहिल्या १ महिन्यात २-३ किलो वजन कमी केले. त्यानंतर आपल्याला ट्रेनरची गरज आहे हे त्याला जाणवले. व्यायाम आणि फिटनेससाठी त्याने घराजवळील जिम जॉईन केले.
(वाचा – हाडाचा सापळा झाला असेल तर खा दुधासह हे शाकाहारी पदार्थ, १ महिन्यात व्हाल गुबगुबीत)
असा केला व्यायाम
ट्रेनरच्या सहाय्याने दक्षने रोज ४५ मिनिट्सचे कार्डिओ एक्सरसाईज सुरू केले. याशिवाय त्याने स्ट्रेंथ ट्रेनिंगला सुरूवात केली. हा व्यायामाचा एक प्रकार असून शरीराची बळकटी आणि मजबूतीसाठी याचा उपयोग होतो. याने वजन कमी होतेच, त्याशिवाय मसल्स मजबूत होण्यास मदत मिळते आणि शरीरातील मेटाबॉलिजम वाढते.
(वाचा – ६ पदार्थ जे रक्तात मिसळवतात युरिक अ‍ॅसिड, दोन्ही किडनी होतील निकामी ठरेल जीवघेणे)
दक्षचे डाएट
दक्षने वजन कमी करण्यासाठी हेल्दी डाएट सुरू केले. यामध्ये दिवसाची सुरूवात त्याने ग्रीन टी पासून सुरू केली. नाश्त्यामध्ये ओट्स, धिरडी, पोहे आणि उपमासारखे पर्याय निवडले.
तर दुपारी आणि रात्री अत्यंत साधे घरचे जेवण ज्यामध्ये प्रोटीनचा समावेश असेल असा आहार निवडला. २ चपाती, भाजी, दही आणि सलाड असा आहार नियमित घेतला. कधी कधी जेवणात पनीर समाविष्ट करून घेतले. तसंच बाहेरच खाणे, जंक फूड आणि तेलकट खाणे संपूर्णतः बंद केले.
पॉवर लिफ्टिंगमध्ये गोल्ड मेडल
वजन कमी केल्यानंतर गेलेला आत्मविश्वास परत मिळाला आणि त्याने अनेक खेळांमध्ये सहभागी व्हायला सुरूवात केली. वजन जास्त असल्याने तो आधी खेळू शकत नव्हता. मात्र वजन कमी झाल्यानंतर त्याने आपली ही आवड जपत पॉवर लिफ्टिंग स्पर्धेत सहभाग नोंदवला आणि गोल्ड मेडलदेखील जिंकले.
८ महिन्यात २४ किलो वजन कमी करत त्याने सर्वांनाच धक्का दिला. अजूनही दक्षचा वजन कमी करण्याचा प्रवास चालूच आहे. सध्या त्याचे वजन ११८ किलो असून यापेक्षाही कमी करण्याचा त्याचा मानस आहे.
[ad_2]
