[ad_1]
( प्रगत भारत । pragatbharat.com)
हृदयविकाराचा वाढता धोका
आजकाल मोठ्या सेलिब्रिटींपासून ते अगदी तरुणांपर्यंत हृदयविकाराच्या झटक्याचे आणि विशेषतः अचानक येणाऱ्या हृदयाघाताचे प्रमाण वाढले आहे. धकाधकीची जीवनशैली, ताणतणाव, असंतुलित आहार, व्यायामाचा अभाव, मीठ आणि साखरेचे अधिक सेवन अशा विविध कारणांमुळे सामान्य नागरिकांमध्ये हृदयविकाराचा धोका वाढला आहे.
‘सीपीआर’चे महत्त्व
हृदयाघातावरील प्राथमिक उपचार म्हणजे ‘सीपीआर’चे तंत्र प्रत्येकाने आत्मसात केले पाहिजे. कारण सध्या तरी केवळ पाच टक्के रुग्णांनाच वेळेत योग्य ‘सीपीआर’ मिळतो, असे आढळून आले आहे. मुख्य म्हणजे वैद्यकीय क्षेत्राचा अनुभव नसलेली सामान्य व्यक्तीसुद्धा सहजपणे ‘सीपीआर’ देऊ शकते. अचानक रुग्ण बेशुद्ध पडल्यावर त्याचा श्वासोच्छ्वास सुरू आहे का, नाडी सुरू आहे का, हे बघून ‘सीपीआर’ दिला पाहिजे.
नागपुरात स्विमिंग पूलमध्ये पोहताना तरुण डॉक्टरचा बुडून मृत्यू, कळमेश्वरमधील घटनेने सर्वच हादरले
…असा द्यावा ‘सीपीआर’
‘सीपीआर’ देण्यासाठी दोन्ही हातांच्या मदतीने छातीवर एका मिनिटात किमान शंभर ते एकशे वीस वेळा दाब द्यावा. त्यामुळे काही वेळासाठी रक्ताचे पंपिंग होऊ लागते. रुग्णाची नाडी सुरू होत नाही वा तो शुद्धीवर येत नाही, तोपर्यंत हा दाब दिला पाहिजे. मात्र, हे तंत्र अवलंबण्यापूर्वी हृदयविकारतज्ज्ञ वा वैद्यकीय तज्ज्ञांकडून शास्त्रशुद्ध पद्धतीने त्याचे प्रशिक्षण घेणे आवश्यक आहे. ‘सीपीआर’ शिकल्यास आणीबाणीच्या स्थितीतील एखाद्या रुग्णासाठी आपणसुद्धा देवदूत ठरू शकतो.
[ad_2]
